Language Language Language Visning: A A A A A
toppbilde

Guovddášguovllu Luovttejohka – Deanušaldi – Skiippagurra gielddaoasseplána lea mearriduvvon

Plána mearriduvvui gielddastivrras geassemánu 12. beaivve, maŋŋá go lei divaštallon muhtun áigge. Oasseplánii gullet guovllut oktan huksehusaiguin Deanuleagis, gaskkal Luovttejoga ja Ruossajoga, deanu nuorttabealde, ja guovllu gaskkal Mohkkeveaijoga ja Lišmmajoga deanu oarjjabealde. Plána ulbmil lea sihkkarastit ođđa huksenguovlluid, seammás go eanadoallu, luondu, olgunastindoaimmat ja boazodoallu váldo vuhtii.

Loahpalaš meannudeamis váldui stuorra, boahtteáigásaš industriijaguovlu eret plánas dan dihtii go boazodoalus ledje vuosteákkat. Seammás unniduvvui dat guovlu mii lei várrejuvvon mássavieččahahkii, váldin dihtii vuhtii boazodoalu vuosteákkaid.  Evttohus boahtteáigásaš viessoguvlui ovddeš mássavieččahagas Lahmveienis Sieiddás (B03) gal bisuhuvvui.

Oasseplána bidjá rámmaid viidásat huksemiidda guovddášguovllus. Leat várrejuvvon ođđa viessoguovllut Luovttejohkii/ Sieiddái, Deanušaldái ja Skiippagurrii. Dasa lassin lea várrejuvvon ođđa industriijaguovlu, ja ođđa hoteallaguovlu Deanušaldái. Eanáš dát guovllut gáibidit muddema ovdal go sáhttá huksegoahtit.

Gielddastivrra beavdegirjji ja plánadokumeanttaid gávnnat viđjjiin artihkkala vuolábealde. Plánakárta ferte veahá vel rievdaduvvot ovdal go lea áibbas gárvvis.

Gielddastivrra mearrádusa gielddaoasseplána ektui ii sáhte guoddalit.