Ođđa skábmaeahketdoalut gaskavahko juovlamánu 1. beaivve

Ovddit háve go skábmaeahketdoalut lágiduvvojedje, de doalut ožžo ollu rámi, ja geahččit adde čielga dieđu ahte "dán gal háliidat vásihit ođđasit".

Dán háve beasat deaivat olbmuid geat barget revyaiguin ja govvadáidagiin, ja dieđusge ollu buori musihka. Mii rehkenastit maid veahá ovttas lávlut.

Beasat oaidnit Untakrevya virkos revyabihtáid ja gullat muhtun sin lávlagiin Untak-kabaretas "Tilstede",  mii lihkostuvai bures mannan giđa. Beasat maid gullat gelddolaš, easkkaráhkaduvvon musihka maid Astrid Kjølås, Sigmund Sætre ja Kjelfrid Kjølås/Per Gunnar Andersen čuojahit. Maiddái beasat gullat muhtun Leonard Cohen-lávlagiid maid Siri Broch Johansen ovdanbuktá. Siri lea čállán máŋga Cohena lávlagiid sámegillii.

Guossin dán háve lea Tina Losoa, guhte čájeha iežas barggu ja vásáhusaid govvadáidágiin.

Stamen Stanchev čuodjalahttá maiddái maid nu guldaleddjiide. Ovttaslávluma jođiha Raymond Hildonen ovttas muhtun earáiguin. Lea vejolaš oastit gáhkuid ja juoga maid juhkat.