Anne-Lise Varsi leamašan ja lea ain Sámi sáŋgár. Son lea oahpahan Sápmelašvuođa gieldda ássiide. Su persovnnalaš berostumis son lea alcces háhkkan pedagogalaš gelbbolašvuođa, ja čiekŋalis kultur gelbbolašvuođa, vai beassá Sápmelašvuođa nannet. Ja dan son lea bargan nannosit. Son lea oahpahan sámeárvvuid, -kultuvrra -giela, duoji -musihka ja vieruid sihke váhnemiidda ja mánáide min gielddas. Su barggu bokte son lea Deanu Sámeskuvlii láidestan sámegielat vuosttáš luohkkálaččaid. Su nana barggu dihtii leat Deanus šaddan ollu Sámi nuorra ollesolbmot geat guddet sápmelašvuođa rámiiguin. Son lea oahpahan luođi máŋga bulvii Deanu kulturskuvllas, ja luohtti leamaš lunddolaš oassi su barggus mánáidgárddis ja skuvllas.
Deanu Kulturskuvla háliida ávvudit su sámi guovddáš kulturguoddin min gielddas.
Mii ávvudat su musikálalaš čájálmasain miessemánu 8. beaivve dii 1230 Deanu Birasvisttis, kinosáles.
Lávdde alde: Deanu Kulturskuvla, Deanu Sámeskuvla,
Anne-Lise ieš, ja su eatni Márgget
Dáhppáhus dulkojuvvo dárogillii.
