Viessobearráigehččiid bargovuorroortnet heaittihuvvo
Geassemánu 1. beaivve rájes heaittihuvvo viessobearráigehččiid otnáš bargovuorroortnet. Dat mearkkaša ahte dán beaivve rájes eai leat viessobearráigeahččit šat barggus eahkedis ja vahkkuloahpain. Geavaheaddjit geat geavahit gielddalaš viesuid maŋŋá dábálaš bargoáiggi ja vahkkuloahpain, fertejit buoret plánet doaimmaideaset.
Buot biergasat mat dárbbašuvvojit čoahkkimiin, kurssain jna. ja buot ráhkkananbarggut mat galget dahkkot ovdal dákkár doaluid fertejit sohppot viessobearráigehččiin ja ordnejuvvot dábálaš bargoáiggis. Lea maiddái dehálaš ahte go tiŋjojumit bohtet, de mii fertet iskat makkár biergasat dárbbášuvvojit ja makkár dárbbut dain leat geat áigot luoikkahit/ láigohit viesuid. (Dán ferte jearrat dain geat áigot luoikkahit/ láigohit viesuid). Fuomášahttit maid dan ahte geassemánu 1.b. rájes fertejit maid dat geat geavahit viesuid ieža bearráigeahččat ahte čuovggat čáskaduvvojit, uvssat lohkkaduvvojit, glásat gieddejuvvojit jna. Das rájes eai oainnat vácce šat viessobearráigeahččit maŋŋágaskabeaivve/ eahkedis šat "eahketrieggá" viesuin.
Viessobearráigeahččit leat olámuttus buot árgabeivviid gaskkal tii. 07:30 ja 17:00.
Dáinna ortnegiin mis leat eambbo viessobearráigeahččit olámuttus beaivit, ja navdimis dát mielddisbuktá ahte gielddalaš viesuit ja rusttegat doibmet buorebut. Danne doaivut mii ahte juohkehaš čuovvula namuhuvvon čuoggáid, nu ahte muhttašupmi manná nu bures go vejolaš.