Jus hálidat leat mielde váikkuheamen dasa ahte guhte evttohasat válljejuvvojit daid iešguhtetge bellodagain dahje joavkkuin, de fertet addit persovdnajienaid dáid evttohasaide. Ii leat vejolaš sihkkut evttohasaid, ja dát guoská sihke gielddastivra- ja fylkkadiggeválgii.

Dán jagi mii jienastat gielddastivraválgii ja fylkkadiggeválgii. Deanus leat 8 bellodaga/listtu válggain ja galget válljejuvvot 23 áirasa gielddastivrii. Gielddas leat 6 jienastanbiire ja buot biiriin lea válgadiggi sihke sotnabeaivve čakčamánu 11. beaivve ja vuossárgga čakčamánu 12. beaivve. 03- biires – Deanušalddis, lea guhkit rahpanáigi sotnabeaivve.

Vuossárgga čakčamánu 12.b. (muhtun báikkiin maiddái sotnabeaivve čakčamánu 1.b.) lea Gielddastivraválga ja Fylkkadiggeválga. Jus don buohcuvuođa dahje lámisvuođa dihtii it beasa jienastit válgabeaivvi dahje it beasa ovdalgihtii jienasteami báikái, sáhtát ohcat válgastivrras lobi jienastit ruovttus dahje doppe gos don leat.

Ovddalgihtiijienasteapmi álggahuvvo gaskavahko borgemánu 10. beaivve. Deanu sánejođiheaddji, Frank Martin Ingilæ, ávžžuha buohkaid geavahit jienastanvuoigatvuođaset.