Gaskavahko guovvamánu 15. beaivve 2012 tii. 18:30 ráđđevisttis
Valáštallama ja fysalaš doaimma, ja kulturvistti gielddaoasseplána 2013-2016 álggahančoahkkin
Plánaproseassa olis lágida Deanu gielda rabas čoahkkima valáštallan- ja olgodaddanrusttegiid, lagasbirasrusttegiid ja kulturvisttiid birra.
Dál lea vejolašvuohta váikkuhit ođđa rusttegiid huksemiidda dahje dáláš rusttegiid divodemiide, mii galgá dáhpáhuvvat boahtte 4 jagi.
Makkár valáštallanrusttegiidda lea dárbu Deanus? Gos galget rusttegat leat? Makkár dilis leat gilivisttit ja masa dat geavahuvvojit? Buot dáid áššiid lea vejolašvuohta divaštallat čoahkkimis.
Divaštallama miellágideaddjin lea Deanu valáštallanráđđi.