Mielddusin čuovvu boahtte jagi skuvlaruvttoevttohus. Loahpalaš skuvlaruvtto mearriduvvo hoavddaidčoahkkimis cuoŋománu 8. beaivve. Sirpmá skuvla čuovvu iežas skuvlaruvtto dan dihtii go fertejit heivehit iežaset ruvtto Ohcejoga gieldda ektui.

Sieiddá skuvlla váhnemiidráđi bargolávdegoddi čoahkkinastá duorastaga skábmamánu 25. beaivve tii. 18.00. Čoahkkin lágiduvvo dan dihtii go lea leamaš mediaáššit skuvlla birra dáid maŋimuččaid. Dehálaš fáttát leat skuvlla ja ruovttu ovttasbargu ja maiddái skuvlla njuolggadusat ja rutiinnat. Ráđđealmmái maid searvá čoahkkimii oktan hoavddain, ja soai váldiba dili guldalit váhnemiid.

Dás sáhtát lohkat ja viežžat 2010/2011 skuvlaruvtto.

Deanu sámeskuvlla 8. luohká oahppit vuite ohpihii lohkangilvvu maid Girjebusse lágida. Seammá oahppit vuite lohkangilvvu golmma jagi áigi maid.

Bohtosat riikalaš geahččalemiin rehkenastimis leat dál almmuhuvvon. Maiddái rehkenastimis ledje oahppiin 8. luohkás buoret bohtosat go gaskamearálaš bohtosat norggas. Sihke Sieiddá ja Bovccá oahppiin lei gaskamearálaš boađus 3,3, ja riikkalaš gaskamearri lei 3,1. 5. luohkáid bohtosat rehkenastimis gal fas leat vuolábealde riikalaš gaskameari. Dát ii guoskka oahppiide Sieiddá skuvllas.