Giella Giella Giella Visning: A A A A A
toppbilde

Neaktá "gánddaža" čájálmasas "Vente på Godot"

Sebastian veahkeha Hålogaland teáhtera

28. mai 2010 av Juhán Niillas Wigelius

"Vente på Godot" čájehuvvo Deanus gaskavahko geassemánu 2. beaivve. Neavttárat leat ee. Kristian Figenschou jr, Finn Arve Sørbø ja Sebastian Riel-Saua.
sebastian_200x134

Juohke báikkis gos Hålogaland teáhter čájeha čájálmasa "Vente på Godot" (Vuorddašit Godota) galgá muhtun báikkálaš gánda gaskkal 10-12 jagi leat mielde neaktimin. Deanus lea Sebastian Riel-Saua válljejuvvon neaktit gánddaža čájálmasas. Sutnje sáddejuvvojedje replihkat miessemánu álggus, ja das rájes lea viššalit hárjehallan. Son galgá hárjehallat ovttas dain njeljiin earáin čájálmasas ovdal gaskabeaivve gaskavahko geassemánu 2. beaivve.

Ovdal lea Sebastian neaktán filmmas "Polmak i Tana" ja Deanu kulturskuvlla čájálmasas "Noaideáhkut", maid Roald Dahl lea čállán.

Ja dál galgá ge neaktit čájálmasas "Vente på Godot", maid Samuel Becket lea čállán.

Buresboahtin Birasvistái gaskavahko geassemánu 2. beaivve. Čájálmas álgá tii. 19.30. Bileahtaid sáhtat tiŋgot gieldda telefonguovddážis, tlf.nr 46400200.

Tips en venn Skriv ut
Del på:
Twitter Facebook Delicous Stumble
More...