Sátnejođiheaddji lea mearkkašan ahte leat ollu ruskkat duoppe dáppe, ja ahte luondu ii leat nu čáppa oaidnit. Jus galgá leat buorre orrut gielddas, de fertet bearráigeahččat ahte lea čorgat.

Ledje ollugat boahtán Diehtovistái go Deanu gielda lágidii dialogakonferánssa "ássanmiela" birra Deanus njukčamánu 17. beaivve. Vigdis Nygaard, Norutas Álttás, ovdanbuvttii rapportta fra prosjektet "Rekruteren, báikeovdánahttin ja ássanmiella Finnmárkkus" prošeaktaraportta, mas ee. Elkem Tana vásáhusat leat mielde.

Dát maŋimuš vahkut Deanus leamaš erenomáš somás vahkut deatnolaččain. Dálvemárkanat mannet loahpa guvlui, ja dán rádjai leamaš hui somás beaivvit.

Sátnejođiheaddji sávvá lihku Tana IF heaibuide geat barge nana buori barggu Norggameašttirgilvvuin heaibumis mannan vahkkuloahpa. Deanu heaibut válde guhtta medáljja ja šadde buoremus searvin olles riikkas nieidaluohkás.

Deanu dálveriemut álggahuvvojit gaskavahko njukčamánu 3. beaivve almmolaš rahpamiin, ja loahpahuvvojit sáttagilvvuiguin čuoigamis Davvi-norggameašttirgilvvuin sotnabeaivve njukčamánu 21. beaivve.