Sátnejođiheaddji ja várresátnejođiheaddji Deanus ávžžuheaba buohkaid geain lea vejolašvuohta, dieđihit iežaset sámedikki jienastuslohkui

Muitte ahte maŋimuš áigemearri dieđihit iežat sámedikki jienastuslohkui lea geassemánu 30. beaivve
Du jietna lea hui dehálaš. Dá lea du vejolašvuohta váikkuhit mandáhtajuogadeami Sámediggeválggain 2013:s. Lea dárbbašlaš oažžut eambbo miellahtuid sámedikki jienastuslohkui min válgabiires, nu ahte mis leat vejolašvuođat váikkuhit eambbo daidda mearrádusaide mat dahkkojit Sámedikkis.