Geahččalanlávlun Čáhcesullos golggotmánu 3. beaivve
Sangkraft Berlevåg bovde ođđa lávluid
Sangkraft Berlevåg bovde ođđa lávluid Finnmárkku operakorii. Ođđa miellagiddevaš prošeavttat leat vuordimin, ja njukčamánus 2011 čájehuvvo “Les Miserables/Miss Saigon” olles eahkeda čájálmassan.
Govva: Svein-Harald Robertsen
Govva: Svein-Harald Robertsen
Preassačálus
“Operaball” vuosttas čájálmas lihkostuvai bures
Sangkraft Berlevåg bovde ođđa lávluid
Teáhtervisti lei spagga dievva go “Operaball” čájehuvvui Bearalvágis čakčamánu 5. beaivve. Čájálmas lei Sangkraft Berlevåga vuosttas buvttadeapmi, ja lei ovttasbargu “Musikk i Finnmark”:ain. Den Norske Opera og Ballett operadirektevra Tom Rmlov lei maid geahččamin čájálmasa, ja ná logai son Finnmarken áviisii:
- Dát lei nana buorre, guoimmuhahtti, lihkastahtii dovdduid, hui hirpmástuhtti ja alla kvalitehta. – Sii leat ollu čeahpibut go maid sáhttá vuordit dán dási neavttáriin. Lea hui erenomáš ahte koaras lea dákkár gudneáŋgirvuohta. – Gáibida hui garra movtta nákcet lágidit ná viiddis čájálmasa nu oanehis áiggis, ja dat čájeha ahte Sangkraft Berlevåg áiggi mielde sáhttá álgit ovttasbargat minguin, dadjá Remlov. Dál vuordá operahoavda ođđa prošeavttaid. – Operakoaras leat stuorra vejolašvuođat, ja dá lea dušše álgu.
Sangkraft Berlevåg bovde ođđa lávluid Finnmárkku Operakorii. Sangkraft Berlevåg bovde ođđa lávluid Finnmárkku operakorii. Ođđa miellagiddevaš prošeavttat leat vuordimin, ja njukčamánus 2011 čájehuvvo “Les Miserables/Miss Saigon” olles eahkeda čájálmassan. Min dirigeanta, slovenalaš Ursa Lah, lea lihkostuvvan bures koaraiguin Eurohpás, ja lávlut geat ledje mielde Finnmárkku Operakoaras ja “Operaball” bihtás, muitalit ahte sii leat oahppan hui ollu, ja ahte leamaš hui movttidahtti lávlut Ursain.
Mii hálidat lávluid geain lea miella ovdánit, ja mii ávžžuhat nuorra lávluid 17 jagis bajás, ja erenomážit nuorra almmáiolbmuid, dieđihit iežaset. Mis ii leat bajit ahkemearri.
Dá lea dutnje vejolašvuohta searvat Finnmárkku Operakorii ja vásihit ođđa suksessaid ovttasbargguin easkkaálgiiguin ja proffaiguin.
Lea ovdamunnin jus máhtát lávlut nohtaid mielde, muhto ii leat gáibádus dasa. Deháleamos lea ahte dus lea beroštupmi lávlut koaras, ja ahte dus lea buorre lávlunjietna.
Kandidáhtat geat dieđihit iežaset geahččalanlávlumii, mákset ieža omd. mátkegoluid. Sii guhtet váldojit mielde korii mákset 500 kr iežasoasi juohke koaradeaivvadeapmái oktan mátkegoluiguin, ja mii gokčat reastta. Studeanttat eai dárbbaš máksit iežasoasi.
Geahččalanlávlun:
Álttás, bearjadaga golggotmánu 1. beaivve tii. 1200 ja tii. 1700, Álttá joatkkaskuvllas, Musihkkaossodagas.
Hámmárfeasttas lávvardaga golggotmánu 2. beaivve tii. 0900, Árktalaš Kulturguovddážis, Kulturskuvlla hárjehallanlanjas.
Čáhcesullos sotnabeaivve golggotmánu 3. beaivve tii. 1100, Kulturskuvlla oarjjit oasis Sentrum skuvllas.
Girkonjárggas sotnabeaivve golggotmánu 3. beaivve tii. 1700, Musihkkalanjas Girkonjárgga joatkkaskuvllas, Hessengveien, Hessengas.
Dieđiheapmi
Čále e-poastta čujuhussii postmottak@sangkraft.no
Eambbo dieđuid oaččut:
Ruovttusiiddus: www.sangkraft.no dahje Ellen Samuelsenis, mob.nr 93095606 dahje Bernt Johan Ottemis, mob.nr. 90518759