Sámi mánáid dáidda Komii
Mii hálidat ahte don tevdnet juoga maid leat gullan muhtun máidnasis dahje cukcasis. Sádde tevnnegat kulturskuvlii ovdal bearjadaga golggotmánu 7. beaivve, ja de sáhttá nu geavvat ahte justa du govva beassá čájálmassii Ruššii ja Ungarnii.
Ovddasteaddjit Finnmárkku allaskuvllas ja Gáisá Næringshages gallededje geassemánus dan suoma- ugralaš guovddáža (Finnio-ugric centre of the Komi republic) Syktyvkaras Komi republihkas. Guovddáš lea bargamin viiddis dáiddačájálmasain mánáide. Mánát laktasit suoma- ugralaš giellaguovlluide. Dan olis dárbbaša guovddáš veahki sámi álbmogis. Galledeami olis ásahuvvui ovttasbargu gaskkal guovddáža ja delegašuvnna. Elin Sabbasen Gáisá Næringshages ja Inger Elin Utsi Finnmárkku allaskuvllas válddiiga ovddasvástádusa gaskkustit ja nannet ovttasbarggu guovddáža ja sámi álbmoga gaskka. Čájálmas, mas leat hirbmat ollu dáidagat, galgá vuosttažettiin heaŋgát guovddážis skábmamánus. 2012 álggus galgá čájálmas jođašit miehtá Ruošša ovttastusa. Giđa beallái galget dáidagat čájehuvvot suoma- ugralaš kongreassas Ungarnis.
Dáidagiid leat mánát gaskkal 6 ja 14 jagi ráhkadan. Vuolggasadjin dáidagiidda leat cukcasat ja máidnasat mat leat čatnon mánáid kulturhistorjái ja lea sávaldat fidnet tevnnegiid sámi álbmogis mas justa diet lea vuolggasadjin.
Sámi dáidagat fertejit leat sáddejuvvon Ruššii ovdal golggotmánu loahpas.