Language Language Language Visning: A A A A A
toppbilde

Ruhtten 2011

Buollineastadeaddji ja bearráigeahču láhkaásahusas celko ahte Gielda galgá bearráigeahččat ahte buot lanjaid ja huksehusaid liggenrusttegiid suovvakanálat ruhttejuvvojit dárbbu mielde, ja unnimusat oktii juohke njealját jagi.
Feiing

Dan sivas go gielddas eai leamaš olbmot geat sáhttet árvvoštallat ruhttendárbbu, de leamaš nu ahte buot biipput leat ruhttejuvvon juohke jagi. Ruhttendivat lea rehkenaston dan ektui. Go celko ahte ruhttejuvvo jahkásaččat, de dat mearkkaša ahte galgá gaskamearálaččat ruhttejuvvot oktii jagis. Sáhttá mannat veahá guhkit dahje veahá oanehat áigi go jahki gaskkal juohke ruhttema.

Ruhttenbálvalus galgá čuovvut gollohaddeprinsihpa. Dat mearkkaša ahte jus gielda váldá menddo olu mávssu goluid ektui, de galgá badjebáza máksot ruovttoluotta geavaheddjiide maŋit jagiid. 2011:s eat beassan čađahit olles ruhttenprográmma dan sivas go mis ii lean ruhttejeaddji. Dan maid sesttiimet dán geažil 2011:s addo geavaheddjiide buorrin dakko bokte ahte ruhttendivat geahpeduvvo boahtte jagi.
Ráđđealmmái evttoha bušeahttaevttohusas geahpedit ruhttendivvaga 25%:in 2012:s.
Ii leat dattege vejolaš beassat ruhttendivvagis.