Issát Sámmol Hætta juoigá, čuojaha iežas juoigganasain ja lohkká divttaid.
Poesikonsearta
Miessemánu 12. beaivve dii 19:00 Deanu birasvisttis guoimmuha Issát Sámmol Hætta min.
Bileahtta 40,- 80,-
Bileahtta 40,- 80,-
Issát Sámmul čállá ieš ná:
Juoigganasa birra
Ohpahallagohten juoigat stráŋggain 21-jahkásažžan 1974 čavčča, Jovsseba Mihkkal (r.1932) Mázes oahpahii mu. Go vulgen skuvllaid vázzit, de álgen eará musihkkamálliiguin ja čuojanasaiguin. De 1999:s juoigagohten fas stráŋggain ja dahkagohten ođđa čuojansa, man namman šatta juoigganas. Álggos dahken čuodjankássa man sisa bidjen mikrofovnna, muhto dál lea mus čuodjanpláhtta masa darvvihan mikrofovnna mii addá jiena skájaniidda. Nuohta muddedan mottiin stákkuin. Čuodjan rievdá maiddái dađistaga gokko ain bidjá dan stákku man vuostá stráŋgga bidjá. Ovdal juige ovttain stráŋggain (Mikkel P.A.Bongo, Mikkel J.Buljo, Per Mikkel Siri). Dál lean čuojahišgoahtán guvttiin stráŋggain oktanaga ja nu dagan iešguđetlágan juoiganšuoŋaid.
Čuojahan
Juigen vuohččan juoigganasain Pedrozavodskas Ruoššas 2008 geassemánu 7.b., Kalevala-festiválas. Lean maiddái juoigan NRK radios ja tv-sáddagiin, konsearttain Lillehammeris, Álttás,Kárášjogas ja Guovdageainnus. Olbmot leat beroštan ja imaštallan dán čuojanasa, maiddái musihkkárat. 2010 geasi dollen juoigganasa dahkan- ja juoigankuršša nuoraide Riddu-festiválas Olmmáivákkis.
Juoigganasa birra
Ohpahallagohten juoigat stráŋggain 21-jahkásažžan 1974 čavčča, Jovsseba Mihkkal (r.1932) Mázes oahpahii mu. Go vulgen skuvllaid vázzit, de álgen eará musihkkamálliiguin ja čuojanasaiguin. De 1999:s juoigagohten fas stráŋggain ja dahkagohten ođđa čuojansa, man namman šatta juoigganas. Álggos dahken čuodjankássa man sisa bidjen mikrofovnna, muhto dál lea mus čuodjanpláhtta masa darvvihan mikrofovnna mii addá jiena skájaniidda. Nuohta muddedan mottiin stákkuin. Čuodjan rievdá maiddái dađistaga gokko ain bidjá dan stákku man vuostá stráŋgga bidjá. Ovdal juige ovttain stráŋggain (Mikkel P.A.Bongo, Mikkel J.Buljo, Per Mikkel Siri). Dál lean čuojahišgoahtán guvttiin stráŋggain oktanaga ja nu dagan iešguđetlágan juoiganšuoŋaid.
Čuojahan
Juigen vuohččan juoigganasain Pedrozavodskas Ruoššas 2008 geassemánu 7.b., Kalevala-festiválas. Lean maiddái juoigan NRK radios ja tv-sáddagiin, konsearttain Lillehammeris, Álttás,Kárášjogas ja Guovdageainnus. Olbmot leat beroštan ja imaštallan dán čuojanasa, maiddái musihkkárat. 2010 geasi dollen juoigganasa dahkan- ja juoigankuršša nuoraide Riddu-festiválas Olmmáivákkis.