Language Language Language Visning: A A A A A
toppbilde

Deanu demeansateama

BUOHKAT VAJÁLDAHTTET

Navddát go ahte muhtumis du lagamuččain, dahje muhtumis gean dovddat, rahčá fuones muittuin? Buohkat vajáldahttet áššiid duollet dálle, ja dat lea áibbas dábálaš. Dat ahte ii olmmoš muhtumin ii muitte II MEARKKAŠ ahte olbmos lea demensa. Jus don ieš, dahje muhtun gean don dovddat, vajáldahttá dehálaš detáljjaid iežas birra, ja ahte dat dáhpáhuvvá guhkit áigge badjel, de lea dehálaš ohcat veahki. Demeansateama fállá álkit olahahtti fálaldaga daidda geain lea demensa dahje oapmahaččaide Deanu gielddas.
Demeansateama sáhttá veahkehit;
-          Guorahallamiin; gávnnahit laktásit go váttisvuođat demensii
-          Rávvet, bagadallat ja doarjut
-          Láhčit beaivválaš doaimmaide, ásodat ja maiddái veahkkeneavvut
-          Ohcat bálvalusaid, nu mo Ruovttubuohccedikšu, doarjjaolmmoš, Beaiveguovddáš jna.
-          Kurssat, ságastallanjoavkkut, skuvla oapmahaččaid várás, fáddáčoahkkimat oapmahaččaide
Árra guorahallan ja diagnosa mearrideapmi lea dehálaš, nu ahte rivttes doaibmabidju biddjo johtui, sihke geavaheaddjái ja oapmahaččaide. Teama ferte gulahallat bures oapmahaččaiguin, oahppásiiguin dahje eará dearvvasvuođabálvalusaiguin go leat ohcamin dieđuid kártenbarggu olis. Lea dehálaš ahte biddjo rivttes diagnosa, vai sáhttá elimineret eará dilálašvuođaid dahje buohcuvuođaid vuoigŋašiin, mat sáhttát malssiduvvot demensain. Vaikko vel demensa ii sáhte dálkkodit, de gávdno medikamentealla dálkkodeapmi mii sáhttá goahcat demensa ovdáneamis muhtumiin muhtun áigodaga. Kártemiin ja guorahallamiin, maid mii dahkat ovttas fástadoaktáriin, mis lea buoret vuođđu láhčit beaivválaš dili, ja bidjat johtui ulbmillaš doaimmaid. Dán mii dahkat daid veahkkedoaibmabijuiguin mat leat olámuttus, vai dat eaŋkil olmmoš sáhttá guhkit ássat ja doaibmat ruovttus. Deanu demensteamas lea koordináhtor, dearvvasvuođadivššár, veahkkedivššár ja fástadoavttir.
 
Buohkat sáhttet váldit oktavuođa; Olmmoš ieš, geasa ášši guoská, oapmahaččat, kránnját, verddet jna. Oktavuođadieđut jus áigu váldit oktavuođa;
 
Deanu doavttirguovddáš 45 51 77 00
Demeansakoordináhtor 45 51 77 38
Ruovttudivššu jođiheaddji 45 51 77 31
Viđjjit: Demensliv.no, nasjonalforeningen.no, Demenslinjen 81533032.