Ovddalgihtiijienasteapmi álggahuvvo borgemánu 10. beaivve.
Ovddalgihtiijienasteapmi álggahuvvo gaskavahko borgemánu 10. beaivve. Deanu sánejođiheaddji, Frank Martin Ingilæ, ávžžuha buohkaid geavahit jienastanvuoigatvuođaset.
Sátnejođiheaddji ávžžuha erenomážit daid, geain ii leat vejolašvuohta jienastit válgabeaivvi, geavahit vejolašvuođa jienastit ovddalgihtii.
Jus hálidat, de sáhtát jienastit ovddalgihtii, ja dan sáhtát dahkat buot riikka gielddain. Jus jienastat ovddalgihtii eará gielddas gosa leat čállon jienastuslohkui, de berret dahkat dan nu árrat ahte du jietna geargát ollet rivttes gildii ovdal válgabeaivvi, mii lea čakčamánu 12. beaivve. Maŋimuš vejolašvuohta jienastit ovddalgihtii riikkarájáid siskkobealde lea bearjadaga čakčamánu 9. beaivve.
Váldde fárrui legitimašuvnna go áiggut ovddalgihtii jienastit. Jus son guhte váldá vuostá jienaid ii dovdda du, de it beasa jienastit jus ii leat legitimašuvdna mielde. Váldde áinnas mielde válgakoartta, vaikko vel dat ii gáibiduvvo go áiggut jienastit ovddalgihtii.
Jienasteaddjit geat orrot institušuvnnain besset jienastit daid institušuvnnain mat leat namuhuvvon listtus vuolábealde.
Dábálaš ovddalgihtiijienasteapmi Deanu gielddas áigodagas borgemánu 10. b. – čakčamánu 9.b.
Báiki: Deanu ráđđevisti
Válgalatnja: Čoahkkinlatnja 1, 1 grd.
Rahpanáigi: Vuossárga – bearjadattii. 09:00 – 15:00
Buohkain geain lea jienastanvuoigatvuohta, beroškeahttá guđe gielddas leat čálihuvvon jienastuslohkui, sáhttet jienastit ovddalgihtii ráđđevisttis Deanušalddis áigodagas borgemánu 10.b – čakčamánu 9.b.
Forhåndstemmegvining på helse- og sosialinstitusjoner
Dearvvasvuođa ja sosiálaásahusat váldet vuostá jienaid 36. Vahkus.