Čorgenakšuvdna Deanus

Joavkkut ja searvvit, eaŋkilolbmot ja muhtun fitnodagat leat jo čorgešgoahtán ja bargan buori barggu. Dasa lassin leat skuvlamánát čorgen gielddaguovddáža ovdalaš miessemánu 17. beaivve. Dalle ii lean dađi bahábut buot muohta suddan, nu ahte gielddaguovddážii leat ihtán ain ollu ruskkat dan maŋŋá .

Geassi lahkonišgoahtá ja dás duohko álget ollu mátkkálaččat boahtit gieldaseamet, sihke Skiippagurrafestivála ja Deanu riemuid olis. Lea dehálaš ahte gielda lea čába oaidnit, nu ahte buohkat ožžot buori vásáhusa gielddaguovddážis ja gielddasteamet.

Eanáš ruskkat mat fieradit bohtet fitnodagain ja ásahusain birrasis. Dan dihtii oaivvilda sátnejođiheaddji ahte fitnodagat fertejit váldit erenomáš ovddasvástádusa iežaset lagašguovlluin, ja doallat daid čorgadin ja čáppisin. Lea vejolaš ásahit čorgenrutiinnaid mat doibmet birra jagi.

ØFAS váldá vuostá ruskkaid mat leat čohkkejuvvon geaidnoguorain ja luonddus dábálaš vuodjinruvttuin dán ja boahtte vahkus, nu guhká go dat leat biddjon plastihkkaseahkaide. Loga eambbo ØFASa neahttasiidduin.

Doaivvun ahte buohkat čavgejit searaid ja veahkkálagaid čorgejit ásahusaidis ja viesuidis birra, vai šaddá čorgat ja čába.

Sávan buori beaivvi!