Oaččuimet vihtta nástti guđa vejolaš násttis ruovttusiidoseamet
Difi (Direktoratet for forvaltning og IKT) árvvoštallá juohke jagi almmolaš neahttasiidduid. Deatnu lávkestii ain ovtta ceahki allelii diibmá dakko bokte ahte oaččuimet vihtta nástti guđa vejolaš násttis.
Sáhtát lohkat eambbo árvvoštallama birra dás.
Diibmá oaččuimet vihtta nástti guđa vejolaš násttis ovttas Čáhcesulluin. Muhto oaidnit proseantamearis ahte leat goalmmádin, maŋábealde Álttá ja Ákŋoluovtta.
Vuođđun árvvoštallamii leat eavttut nu go mat man álki lea gávdnat siiddu, man bures lea heivehuvvon geavaheddjiide ja man ávkkálaš sisdoallu lea; ja neahttasiiddut ožžot násttiid dađi mielde man buorit leat. Jahkásaš kvalitehtaárvvoštallan guorahallá sullii 700 stádalaš ja gielddalaš neahttasiidduid. Mii leat duhtavaččat bohtosiin, muhto bargat viidáseabbo bisuhan dihtii buori kvalitehta, ja doaivumis šaddat ain buoret. Mihttomearri lea ahte ássiide galgá leat álki gávdnat eanemusat lági mielde dieđuid maid dárbbašit ruovttusiiddusteamet. Sáhtát lohkat eambbo gielddalaš neahttasiidduid árvvoštallamiid birra Finnmárkkus DÁS.