Ođasmahttojuvvon: Mii hálidat árvvoštallat mo Deanodaga internáhta sáhttá ovddidit
Ođđa dieđut:
Mii leat ráhkadan evttohusa vejolaš sturrodahkii viessosadjái, jus omd. lea jurdda geavahit opmodaga eará láhkai. Dát ii leat lohpalaš evttohus, ja dát sáhttá rievdaduvvot ovttas gielddain. Dás sáhtát geahččat evttohusa: Internáhta viessosadjeevttohus.pdf. - - - - - - - - -
Ovdagoddi mearridii áššis 72/2010 geassemánu 3. beaivve ahte
”Deanu gielda háliida árvvoštallat ovttasbarggu priváhta eaiggádiid ja gieldda gaskka, dahje árvvoštallá vuovdit nu ahte dat kulturhistorjjálaš árvvut gáhttejuvvojit Deanodaga internáhtas. Priváhta aktevrrat ávžžuhuvvojit ovddidit prošeaktačilgehusa maid ovdagoddi sáhttá veardidit.”
Dát mielddisbuktá ahte mii ávžžuhat buohkaid geain lea beroštupmi, priváhta aktevrraid ja maiddái priváhtaolbmuid, buktit evttohusaid mo mii ovttas sáhttit áimmahuššat kulturhistorjjálaš árvvuid mat leat dán opmodagas. Mii veardidat maiddái ahte galgat go vuovdit opmodaga, muhto dat eaktuda ahte kulturhistorjá áimmahuššo. Prošeaktačilgehusain mii oaivvildat oanehis ja eaŋkilis čilgehusa mas boahtá ovdan mo lea jurdda áimmahuššat opmodaga, ruhtadeami, kulturhistorjjá ja eará beroštumiid.
Go prošeaktačilgehusat leat gárvá, de mii čađahat proseassa vel oktii, nu ahte olbmot besset rievdadit prošeaktačilgehusaideaset ovdal go ovdanbuktojit ovdagoddái. Ovdagoddi beassá de válljet hálida go čuovvulit dahje hilgut evttohusaid.
Dás gávnnat áššeovddideami ja eambbo dieđuid viesuid birra: Deanodaga internáhtta.pdf
Dás gávnnat opmodaga kártta, mii lea merkejuvvon 20/118: Kárta Deanodaga internáhtta.pdf
Girdigovva guovllus gávnnat dás: Deanodaga internáhtta.pdf
Mii bidjat áigemeari buktimis prošeaktačilgehusa borgemánu 16. beaivái 2010. Dat sáddejuvvo epoasttain čuovvovaš čujuhussii: postmottak@tana.kommune.no, dahje poasttain gildii: Deanu gielda, Rådhusveien 3, 9845 Deatnu.
Jus hálidat eambbo dieđuid, de sáhtát váldit oktavuođa ráđđealbmáin Jørn Aslakseniin telefuvnnas 464 00 202, dahje epoastain ja@tana.kommune.no ovdal suoidnemánu 9 beaivve. Jus hálidat diehtit makkár dilis visti lea, de sáhtát váldit oktavuođa Øysten Dervolain telefuvnna bokte, 464 00 231.