Ija ovdal go son galgá steavliduvvot čohkka nuorra dievdu giddagasas, goddima geažil dubmejuvvon.
Ođđa sámi dráma: Guohcanuori šuvva
Čakčamánu 22. beaivve tii. 19:00 čájeha Beaivváš Sámi Teáhter Rawdna Carita Eira ođđa čájálmasa: Guohcanuori šuvva Deanu birasvisttis. Čájálmas lea sámegillii ja tekstejuvvo dárogillii.
Ija ovdal go son galgá steavliduvvot čohkka nuorra almmái giddagasas, goddima geažil dubmejuvvon. Maŋimuš tiimmuid ovdal steavlideami fitná stuoradálolaš su luhtte – lea seamma ahkásaš báhpanieida Ovidia, geasa lea addon vuoiŋŋalaš ovddasmoraš albmái guhte lea vuordimin steavlideami. Ovidia hálida galledemiin geahččalit áddet nuorra albmá daguid, almmái gii maiddái lea leamaš su reaŋga.
Čájálmas lea čállon duohta dáhpáhusa vuođul, maid Ernst Isaksen lei álggos čállán: Suoidnemánu 9.b. 1791:s dubmehalai 26 jahkásaš Moses Samuelsen ovttas nuorat albmáin jápmimii go leigga rievidan ja vel goddán vihtta olbmo Guohcanuoris Romssa fylkkas. Dáhpáhusat; rievideapmi, goddimat ja giddagasas čohkkán dáhpáhuvve 1790-1791:s nuorra leaskka Ovidie Fredrikke Kildal Hysinga stuorradálus (guhte maŋit áiggiid bekkii máinnolmassan Madam Lyng).
Dá lea Beaivváš Sámi Našunálateáhter áibbas ođđa čájálmas, mas vuosttažettiin lea miellagiddevaš sisdoallu, muhto mii maiddái fállá gelddolaš luohte ja Halling-dánsuma deaivvadeami. Guohcanuori šuvva čájehuvvui álgočájálmassan Guovdageainnus bearjadaga čakčamánu 9.b. 2011. Čájálmas bistá birrasiid beannot tiimmu.
Čálli: Rawdna Carita Eira
Bagadalli: Piotr Cholodzinski
Lávde- ja bivttashábmen: Bård Thorbjørnsen
Neavttárat: Mary Sarre, Iŋgor Ántte Áilu Gaup
Dánsejeaddji: Anders Aasberg, Dansekompaniet Frikar Dánsejoavku
Musihkkár: Egil Keskitalo
Teknihkkárat: Bernt Morten Bongo og Svein Egil Oskal
Čájálmas lea čállon duohta dáhpáhusa vuođul, maid Ernst Isaksen lei álggos čállán: Suoidnemánu 9.b. 1791:s dubmehalai 26 jahkásaš Moses Samuelsen ovttas nuorat albmáin jápmimii go leigga rievidan ja vel goddán vihtta olbmo Guohcanuoris Romssa fylkkas. Dáhpáhusat; rievideapmi, goddimat ja giddagasas čohkkán dáhpáhuvve 1790-1791:s nuorra leaskka Ovidie Fredrikke Kildal Hysinga stuorradálus (guhte maŋit áiggiid bekkii máinnolmassan Madam Lyng).
Dá lea Beaivváš Sámi Našunálateáhter áibbas ođđa čájálmas, mas vuosttažettiin lea miellagiddevaš sisdoallu, muhto mii maiddái fállá gelddolaš luohte ja Halling-dánsuma deaivvadeami. Guohcanuori šuvva čájehuvvui álgočájálmassan Guovdageainnus bearjadaga čakčamánu 9.b. 2011. Čájálmas bistá birrasiid beannot tiimmu.
Čálli: Rawdna Carita Eira
Bagadalli: Piotr Cholodzinski
Lávde- ja bivttashábmen: Bård Thorbjørnsen
Neavttárat: Mary Sarre, Iŋgor Ántte Áilu Gaup
Dánsejeaddji: Anders Aasberg, Dansekompaniet Frikar Dánsejoavku
Musihkkár: Egil Keskitalo
Teknihkkárat: Bernt Morten Bongo og Svein Egil Oskal