Ođđa guolástannjuolggadusat anadroma guliid bivdimii čázádagain Finnmárkkus
Ođđa láhkaásahusain lea mearriduvvon ráfáidahttit vállasa njeallji ođđa čázádagas ja diktit turisttaid bivdit golmmain stákkuin dan oasis deanus mii lea riikarádján.
Johtti guolásteaddjiide geat bohtet bivdit Deanu čázádagaid eai leat eará go smávit rievdadusat. Váldu rievdadusat leat ahte lea lohppi bivdit golmmain stákkuin riikarájá guovllus, ja ahte gildojuvvo bivdimis deanus lagabut go 50 mehtera oalgejogaid joganjálmmiin. Gildojuvvo maiddái bivdimis Lákšjogas ja Leavvajogas gaskkal deanu ja E6:a šalddi.
Rievdadusat láhkaásahusas mat gusket anadroma luossaguliid bivdimii čázádagain Finnmárkkus leat ahte válas ráfáidahttojuvvo 4 ođđa čázádagas (Ráššavuolešjogas, Ráhkojogas, Bissojogas ja Ruoššajogas). Válas lea dál ráfáidahttojuvvon 10 čázádagas Norggas, danne go ii gávdno doarvái diehtu daid iešguđetge válasnáliin, nu ahte sáhtašii fas álggahit bivddu. Daid maŋimuš jagiid leat goddon unnit ja unnit vállasat.
Muđui lea bivdináiggit guhkiduvvon Eaibojogas ja Rávttošjogas, ja dál leat maid mearriduvvon ođđa guovllut dáid jogain gos lea gildojuvvon bivdit dahje goddit luossaid.
Gáldu: Finnmárkku Fylkkamánni