Language Language Language Visning: A A A A A
toppbilde

Ođđa Fylkkageaidnu 98 badjel Idjavuonduoddara lea rahppon

Lávvardat borgemánu 29. beaivi lea mearkabeaivi dan ođđa FG 98 Idjavuonduoddargeainnu historjjás. Bargu lea bistán máŋggaid jagiid, ja dál lea viimmat geaidnu nu buori dásis ahte illudahttá ássiid Čorgašis, Deanus ja dieđusge maiddái fievroealáhusa. Lágiduvvojedje fiinna rahpandoalut Stuorrajoga buohta, gosa ledje boahtán áirasat sihke fylkkagielddas, Stáhta geaidnodoaimmahagas, Gáŋgaviikka gielddas, Davvesiidda gielddas ja Deanu gielddas.  

Deanu sátnejođiheaddji evttohii ee. ahte dat stuorra bisánanbáiki Stuorrajogas berrešii gásttašuvvot Roger Hansens plass, giitosin dasa go fylkkadiggeáirras Roger Hansen lea bargan hui áŋgirit dahkan dihtii dán geaidnobarggu duohtan.

Snorklipping Åpningsseremoni FV98 Ifjordfjellet_1024x780.jpg

Báddečuohpasteami čađahedje ovttas. Dása searvvai Guovllugeainohoavda Thorbjørn Naimak, Gáŋgaviikka sátnejođiheaddji Inga Mandal, Kultuvrra- ja johtalusa váldolávdegotti jođiheaddji Remi Strand, Fylkasátnejođiheaddji Runar Sjåstad, Davvesiidda sátnejođiheaddji Stine Akselsen ja Deanu sátnejođiheaddji Frank Martin Ingilæ.