Giella Giella Giella Visning: A A A A A
toppbilde

Ođđa fápmojođas Deanu gildii

26. august 2010 av Juhán Niillas Wigelius

Statnett lea plánemin hukset ođđa 420 kV fápmojohtasa Skáiddis (Fálesnuoris) Vuotnabahtii. NVE ja Statnett lágidit diehtojuohkinčoahkkimiid daid gielddain masa huksen guoská, ja bovdejit rabas álbmotčoahkkimii Deanu hotellii, Deanušalddis čakčamánu 2. beaivve 2010 tii. 19.00.
Strømmast

Fápmojođas lea plánejuvvon oassin guovttebealát fápmofierpmádahkii Davvi-Norggas, -Ruoŧas ja -Suomas. Statnett lea sádden dieđu NVE:i fápmojohtasa huksema birra. Ulbmil dieđuin lea dieđihit doaibmabiju nu johtilit go vejolaš, nu ahte ožžot evttohusaid guorahallamiidda maid fertejit čađahit. NVE mearrida guorahallanprográmma maid Stanett ferte čuovvut. Guorahallamat leat oassin váikkuhananaliissas maid Statnett ferte čađahit čalmmustahttin dihtii doaibmabiju váikkuhusaid. Easkka dalle go váikkuhusat leat guorahallon, de sáhttet hábmet konsešuvdnaohcamuša.

Dieiđiheapmi lea dušše vuosttas lávki áššemeannudanprosaeassas, ja dál lea vejolaš buktit evttohusaid/ kommentáraid, jus leat makkárge joavkkut maidda dát ášši čuohcá negatiivalaččat. Álbmotčoahkkimis Deanu hoteallas Deanušalddis čakčamánu 2. beaivve 2010 tii. 19.00 ovdanbuktet doaibmabiju ja áššemeannudanproseassa. Áigemearri gulaskuddamii lea 01.10.2010.

Vuolábealde lea goallus dieđiheami ollislaš dieđuide.

Tips en venn Skriv ut
Del på:
Twitter Facebook Delicous Stumble
More...