Language Language Language Visning: A A A A A
toppbilde

Gielddastivra lea lasihan juolludeami NuoraidBargu 2020:i koronakriissa geažil

NuoraidBargu 2020

Doaibma mii gielddas lea leamaš olu jagiid, das lea vuosttažettiin ulbmil oažžut nuorra deatnulaččaid geassebargguide ja čatnat oktavuođa bargoeallimiin Deanus.

Deanus leat ollu nuorat geat ohcet geassebarggu ja koronakriissa oktavuođas lea oahpahandoarjja lasihuvvon kr. 3.500,- rájes kr. 8.500,- rádjái juohke ásahuvvon bargosaji nammii.

Deanu gielda sáhttá addit kr. 8.500,- oahpahandoarjaga juohke ásahuvvon bargosaji nammii. Nuorat galget dalle bargat unnimusat 4 vahku ja bálkáhuvvot tariffa mielde. Fitnodagat geat váldet vuostá nuoraid geain leat earenoamáš dárbbut bargoheivehemiide, sáhttet oažžut eanet doarjaga soahpamuša mielde.

Ii leat ruhta buot ohcciide, ja danin leat vuoruheamit dahkkon.

Nuoraide gaskal 15 ja 19 jagi lea dávjá váddáseamos oažžut geassebargu, ja dasto vuoruhuvvo dát joavku bálkádoarjaga gaskkusteamis.

Eará ohccit maid diehttelasat sáhttet árvvoštallot. Ii sáhte vuordit bálkádoarjaga bargui bidjat iežas mánáid fitnodagas.

Mii ávžžuhit nuoraid ohcat geassebarggu njuolga fitnodagain gos sii háliidit bargat ja ahte fitnodagat addet gildii bajilgova guđet nuorat ožžot barggu.

Eanet dieđuid oaččut go válddát oktavuođa:

Greta Kristoffersen, tlf. 46400272. e-post: greta.kristoffersen@tana.kommune.no