Language Language Language Visning: A A A A A
toppbilde

Sámi mánáid teáhter – Deanu kulturskuvllas lea ohpihii álgočájálmas

Mánáidteáhter skábmamánu 20. beaivve

Dál sávvá teáhterjoavku Suotnjarat buresboahtima teáhterii. Sii ovdanbuktet čájálmasaid Máidnasat ja Rieban ja Stálustállan maid Beaivváš sámi teáhter lea buvttadan Qvigstada sámi álbmotmáidnasiid vuođul. Sis lea ieš Niko Valkeapää mielde lávddi alde, ja son lea čállán musihka dán bihttái.

Suotnjarat_200x150

Suotnjarat joavkkus leat 8 teáhteroahppi gaskkal 11- 13 jagi. Oahppit leat bargan hui áŋgirit čájálmasain dán guokte maŋimuš mánu. Mii čiekŋudahttit iežamet Qvigstada čállosiidda sámi álbmotmuitalusaide. Dáppe beassat deaivat riebana, guhte lea gávvil ja vuovdái. Gávvilisvuođain rieban fille alcces buot buriid. Ja jus leat muhtumat geat eai dieđe manin guovžžas lea bieža, de boahttet geahččat, mii muitalat manne.

2. oassi lea Stálu ja Luhttáka máilmmis. Luhtták lea stálu eamit, ja sus lea bohcci mainna sáhttá dus heakka njamistit. Stállu ii leat dat jierbmámus heagga, muhto son lea hui rikkis ja issoras váralaš. Goabbá lea gávvileabbo; sápmelaš vai stállu..?

Lávddis leat Maiken Erke, Helle Mari Løkken, Kristin Amalie Boine, Sandra Holm, Ayla Iselin Hætta Isaksen, Simen Varsi Ursin, Kristian Tapio, Kari Sofie Porsanger ja Niko Valkeapää (Musihkka).

Álgočájálmas skábmamánu 20. beaivve Deanu birasvisttis tii. 18:00.

Bileahttahattit: Ollesolbmot 100,- kr ja mánát 50,- kr.