Mammografiija nissoniidda Deanu gielddas
Buot nissonat Deanu gielddas, geat leat riegádan gaskkal 1941 ja 1960, bovdejuvvojit mammografiija iskkadeapmái áigodagas 09/01/12 – 19/01/12.
Oktiibuot 343 nissonolbmo ožžot bovdehusa iskkadahttit čiččiid mammografiijabusses dearvvasvuođaguovddážis Deanušalddis.
Geat: Nissonolbmot Deanus geat leat riegádan gaskkal 1941 – 1960
Goas: Ođđajagimánu 9. beaivve – ođđajagimánu 19. beaivve.
Gos: Dearvvasvuođaguovddážis Deanušalddis – oarjjit sisaboahtimis.
Jus lea dárbu dárkilat guorahallamii, de gohččojit nissonat Čižžediagnostalaš guovddážii UNN:i Romssas.
Čižžeborasdávda
Mammografiijaprográmma lea almmolaš fálaldat nissonolbmuide gaskkal 50-69 jagi, ja dát fállojuvvo juohke nuppi jagi. Fálaldat čuovvu internašunála ávžžuhusaid. Jeavddalaš mammografiija lea dat buoremus vuohki fuomášit šattalmasaid árrat. Jus fuomáša dávdda árrat, de lea buoret vejolašvuohta dearvvasnuvvat, ja lea buoret doaivva oažžut fuolaleabbo divššu.
Mammografiijaprográmmas kvalitehtasihkkarasto fálaldat dakko bokte ahte leat guokte røntgendoaktára guhte geahččaba buot govaid. Jus čižžeborasdávda fuomášuvvo, de lea rutiinnalaš čuovvuleapmi sihkkaraston čižžediagnostalaš guovddážis.
Prográmma lea ovttasbargu gaskkal Dearvvasvuođa- ja fuolahusdepartemeantta, Dearvvasvuođadirektoráhta, Borasdávdaregistara, Stáda suonjarsuodjalusa, Našunála álbmotdearvvasvuođainstituhta ja dearvvasvuođadoaimmahusaid. Prográmma mihttomearri lea geahpedit čižžeborasdávdajápmimiid nissoniid gaskkas geat bovdejuvvojit. Leat birrasii 76% geat servet prográmmii riikavidosaččat. Ovddit háve serve 77% buot nissoniin Deanu gielddas.
Eambbo dieđut:
Mammografiijaprográmma jođiheaddji, bajitdoavttir Berit Damtjernhaug,
tlf.: 22 45 13 00,mammografi@kreftregisteret.no