Language Language Language Visning: A A A A A
toppbilde

Lihkku vuoittuin Davviriikalaš MGPjr:s The Blacksheeps

Sátnejođiheaddji háliida buot Deanu ássiid bealis sávvat lihku The BlackSheeps jovkui rámálmas vuoittuin Davviriikalaš melodi grand prix jr:s.  

Ledje duođai buori lávlagat buot melodi grand prix nordic oasseváldiin ja dat buot buoremus lávlla vuittii. Unjárlaččat ožžot duođai čevllohallat joavkkuin geat maiddái leat mielde ovddideamen máŋggakultuvrralašvuođa ja erenoamážit sámivuođa.

Konsearta máŋggageavahushállas?
Sátnejođiheaddji lea gulastan ahte Unjárgga gielda lea plánemin konseartta The BlackSheeps ja The Battery joavkkuin dalá maŋŋá ođđajagi. Dan olis lean váldán oktavuođa Unjárgga sátnejođiheaddjiin ja fállan sin geavahit Deanu máŋggageavahushálla lágideapmái. Stuorra beroštumi dihte dán guovtti jovkui, de jáhkan lea dárbu dán mađe sadjái. Galgá dieđusge leat Unjárgga lágideapmi, muhto eanebut ožžot vejolašvuođa oassálastit.  
Flerbrukshallen forran_512x384

 

 

 

 

 



Gelddolaš boahtteáigi

Muđui mii čuovvut mielde sin musihkalaš mátkki. Jáhkan mátkki šaddat hui gelddolažžan. Sávan The BlackSheeps jovkui ain viidáset lihku.  

Sávan ilolaš beaivvi buohkaide!