Language Language Language Visning: A A A A A
toppbilde

Leat go jienastuslogus?

Gielddastivraválgga ja Fylkadiggeválgga, ja maiddái Sámedikki válga jienastuslohku lea bidjon almmolaš geahčadeapmái geassemánu 10.b. ja gitta válgabeaivái

Leat go don jienastuslogus?

Jos galggat beassat jienastit čavčča gielddastivra ja fylkkadikke válgii de don fertet leat jienastuslogus. Don sáhtát iskkat leat go don jienastuslogus gielddastivraválgii ja fylkkadiggeválgii dan gielddas gos don ásat, go dat lea bidjon geahčadeapmái báikin mas boahtá ovdan dás vuolábealde.  

Jos don leat eará gildii fárren ja fárrendiehtu ii leat boahtán álbmotregistarii ovdal geassemánu 30.b. de leat ain jienastuslogus dan gilddas gos leat eret fárren. Dalle sáhtát juogo ovddalgihtii jienastit, dahje jienastit válgabeaivve dan gielddas gos don leat jienastuslogus.

Jos leat ožžon válgakoarta, de das čuožžu man gielddas leat jienastuslogus, ja das čuožžu man birii don gulat, ja rahpanáiggit dan bires. Go leat vuostáváldán válgakoarta de leat don jienastuslogus. Jos it leat ožžon válgakoarta ovdal borgemánu 10.b. de berret váldit oktavuođa gielddain dárkot ahte leat go jienastuslogus. Muite rádjat koartta ja válde dan áinnas mielde go vuolggát jienastit.   

Jos du namma ii leat jienastuslogus Gielddastivraválgii ja Fylkkadikkeválgii, ja dahje don oaivvildat ahte lea eará boasttuvuođat listtuin, de sáhtát váidalit. Váidaleapmi galgá leat čálalaččat ja dat galgá leat vuođuštuvvon. Váidaleami sáddet gieldda válgastivrii. Rivttes čujuhusa gávnnat vuolimuččas artihkkalis.    

Sámedikki jienastuslohku lea maid biddjon geahčadeapmái seammá báikin ja seammá áigodagas. Váidaleapmi Sámedikki jienastuslogu hárrái galgá sáddet Sámediggái.


Jienastuslohku lea biddjon almmolaš geahčadeapmái čuovvovaš báikin:

• Deanu ráđđevisti, Deanušaldis

• Deanu girjerádju, Deanušaldis

• Bil og Maskin AS,Juovlavuotna

• YX, Ruostafielbmá 

• Tapio A.E. Eftf., Sirbmá

Váidaga jienastuslogu boasttuvuođaid birra sáddet: Valgstyret i Tana, Rådhusveien 24, 9845 Tana / postmottak@tana.kommmune.no

Váidaga Sámedikki jienastuslogu birra sáddet: Sámediggi - Sametinget, Ávjovárgeaidnu 50, 9730 Karasjok/Kárášjohka / samediggi@samediggi.no