Language Language Language Visning: A A A A A
toppbilde

Leat go jienastuslogus?

Jos áiggut jienastit dán čavčča gieldda- ja fylkkagielddaválggain de fertet leat sisačálihuvvon jienastuslohkui.

Sáhtát iežat ássangielddas iskat leat go gielddastivra- ja fylkkadikki jienastuslogus, go dat biddjojuvvo geahčadeapmái báikkiide mat leat namuhuvvon dán almmuhusas.

Jus leat fárren eará gildii ja du fárrenalmmuhus ii leat vel čálihuvvon álbmotlogahallamii geassemánu 30.b. de gulat don ain dan gieldda jienastuslohkui gos leat fárren. Dalle sáhtát jogo ovddalgihtii jienastit, dahje jienastit válgabeaivvi dan gielddas gos don leat jienastuslogus.

Jus leat ožžon válgakoartta poasttas, de oidno koarttas man gielddas don leat jienastuslogus, ja man biirii don gulat, ja dan biire rahpanáiggit.Go oaččut válgakoartta de mearkkaša dat ahte leat jienastuslogus. Jus it leat ožžon válgakoartta ovdal borgemánu 10.b., de fertet váldit oktavuođa gielddain ja dárkkistit leat go jienastuslogus. Muitte vurket koartta ja váldde dan fárrui go vuolggát jienastit.

Jus it leat gielddastivra- ja fylkkadikki jienastuslogus, dahje don oaivvildat ahte sáhttet leat eará meattáhusat listtuin,de sáhtát dan váidit. Váidda galgá leat čálalaš ja dat galgá leat vuođuštuvvon. Váidda sáddejuvvo gieldda válgastivrii. Rivttes čujuhusa gávnnat vuolleleappos almmuhusas.

Jienastuslohku lea biddjon geahčadeapmái čuovvovaš báikkiin:
• Tana Rådhus, Tana bru
• Tana Bibliotek, Tana bru
• Bibliotekbussen for Tana og Nesseby
• Bil og Maskin AS, Austertana
• Esso, Rustefjelbma Servicesenter, Rustefjelbma
• Tapio E.E. Eftf., Sirma

Jienastuslogu meattáhusváidaga sáddet:
Válgastivra - Deanu gielda, Rådhusvn. 24, 9845 Tana.
postmottak@tana.kommune.no