Language Language Language Visning: A A A A A
toppbilde

Jus oainnát neahtebeatnaga, de livččii buorre jus válddát oktavuođa Stáhta luonddubearráigeahčuin (SNO) báikkálaččat dahje Fylkkamánni birasgáhttenossodagain

Lea go oktage oaidnán dán kárá?

Mårhund
Neahtebeana lea vieris ealli mii sáhttá issorasat vahágahttit norgga luonddu. Danin lea Luondduhálddašandirektoráhtta lea ráhkadan sierra doaibmaplána eastadan dihtii neahtebeatnagiid leavvama riikii. Muhto plána iešalddis ii leat doarvái jávkadan dihtii dán ealli. Dárbbašat veahki olbmuin eastadan dihtii vahágiid elliide mat lunddolaččat gullet norgii.
Neahtebeana
  • Neahtebeana gullá sierra nállái beatnatnális, ja lea álgoálggus vuolgán Asia nuorta guovlluin. Badjel 9000 neahtebeatnaga luitojedje ovddeš Sovjetlihtu oarjedavvi guovlluide 50-70 jagi áigi. Neahtebeana lea dál sajáiduvvan viidát Supmii, ja lea maiddái leavvan Norgii ja Ruŧŧii.
  • Dovdomearkkat: Riebana sturrosaš, muhto leat oanehat juolggit ja seaibi, ja das lea uhca oaivi mas leat oanehaš, jorbes bealljit. Allodat olggiid buohta lea sullii 40-50 cm, ja lea birrasii 50-70 cm guhkki. Dasa lassin lea seaibi 15-25 cm guhkki. Geassit dat deaddá gaskkal 4-6 kg, ja skábman fas 6-10 kg. Neahtebeatnagis lea mearkkašahtti ámadadju, mas lea čáhppes mearkkat čalmmiid birra. Muđui lea oaivi ja njunnegeahči beanta čuovgat. Náhkki lea suohkat ja dimis. Das lea ruškes/ ruškesfiskeslágan ivdni, ja sevdnjes mearkkat badjel ja birra olggiid ja siidduin. Čoavji lea čuovgadat, ja raddi ja juolggit leat fas veahá čáhppadat. Ivnnit leat veahá čáhppadat dálvit, ja náhkki lea veahá suohkadeabbo.
  • Neahtebeana sáhttá muittuhit mievrri, “bassanguovžža” (Procyon lotor) (báhtaran indiviiddat gávdnojit norgga luonddus) ja ristariebana, mii lea ruksesriebana čáhppadat variánta.
  • Neahtebeana liiko suhkkes šaddogeardái. Neahtebeana lea maid hui čeahppi vuodjat, ja dan dihtii lea ge dávjá njuoska ja lákta guovlluin. Dat loaktá maid bures suhkkes lastavuvddiin gos leat ollu rásit ja suoinnit ja maiddái báikkiin gaskkal meahci ja kultureatnamiid.
  • Neahtebeana borrá measta buot maid gávdná, nammalassii smávva njiččehasaid, ráđuid, lottiid ja maniid, guliid, amfibiijaid, máđuid, divrriid ja iešguđetge rásiid.

 

SNO:a Deanus fáhtet nummiris 78928670 dahje 78928671.
Fylkkamánni birasgáhttenossodagain fitnet oktavuođa go riŋget Fylkkamánni telefonguovddážii: 78950300.