Lágidandoarjja geassemusihkkafestiválii 2012:s
Gielda hálida ahte olbmot geat beroštit musihkas galget maiddái boahtte geasi oažžut deaivvadanbáikki Deanu riemuid vuosttas vahkkuloahpa, ja fállá lágidandoarjaga gitta 80.000,- kruvnnu rádjai dasa dahje daidda geain lea buoremus fálaldat.
Dat geain lea beroštupmi dása, sáhttet sáddet ohcamuša Deanu gildii, Ovdánahttinossodahkii, 9845 Deatnu. Ohcanáigemearri lea ođđajagimánu 26. Beaivi 2012. Bajásšaddan- ja kulturlávdegoddi árvvoštallá čoahkkimis guovvamánu 8. beaivve ahte gii galgá oažžut lágidandoarjaga. Ohcamuš ferte ovdanbuktit mo lea jurdda čađahit doaluid.