Kursa ekonomiijaáddejumis stivralahtuide oasuservviin

11. januar 2012 av Frans Eriksen

Jus leat stivralahttun muhtun oasussearvvis, dahje hálidat beassat lahttun dákkár stivrii, de dat mielddisbuktá ovddasvástádusa. Ulbmil kurssain lea addit kursaoassálastiide oahpu dan ovddasvástádusas mii gáibiduvvo stivralahtus. Ii atno erenomáš oahppu ovddalgihtii. Dieđihanáigemearri lea bearjadaga ođđajagimánu 13. beaivve.

Kurssa ulbmil lea ahte kursaoasálastit galget oažžut oahpu dan ovddasvástádusas mii gáibiduvvo stivralahtuin, ja erenomážit oažžut áddejumi makkár ekonomalaš ovddasvástádus stivralahtuin lea.

Kursaoasálastit galget maiddái oahppat guovddáš raporttaid birra, maid hálddahus dábálaččat geavaha raporteren dihtii doaimmahusa ekonomalaš beliid stivrii. Dasa lassin galget kursaoasálastit oahppat iešguđetge mearrádusaid birra maid stivra sáhttá gártat dahkat, ja mo galgá dulkot mearrádusvuođustusa.

Kurssa viidodat:

Kursa dollo guvttiin deaivvademiin, oktiibuot 46 tiimmu. Deaivvadeamit čađahuvvojit ođđajagimánus – njukčamánnui 2012.

Kursa lágiduvvo dainna lágiin ahte dat geat hálidit, sáhttet čađahit kurssa allaskuvlakursan, ja oažžut eksámena ja dohkkehuvvot 7,5 oahppočuoggá.

Kursalágideaddji:

Indre-Finnmark Utviklingsselskap AS ovttas Handelshøyskolen BI:in.

Haddi:

6.000,- kruvnnu. Dasa lassin boahtá johtin ja orrun deaivvademiid olis.

Dieđiheapmi:

Veslemøy K. Dahl, E-poasta: veslemoy@ifu.no Tlf. 958 50 804