Čuovo bagadusa mo galggat dieđihit iežat kulturskuvlii dán artihkkalis. Sáhtát válljet čuovvovaš kurssaid gaskka: Čuojahit muhtun čuojanasa, juoigat, teáhter, dánsa ja drámá, luhkka- ja njálfáhttagoarrun ja ođđasit hábmet boares biktasiid.

Ohcanáigemearri lea borgemánu 10. beaivve.

Deanu kulturskuvla lea geassemánu 17. beaivve johtimin Duiskii. Doppe lágiduvvo 11. World festival of childrens theatre.

"Vente på Godot" čájehuvvo Deanus gaskavahko geassemánu 2. beaivve. Neavttárat leat ee. Kristian Figenschou jr, Finn Arve Sørbø ja Sebastian Riel-Saua.

Kulturskuvlla nuoraidteáhterjoavku lea olles dálvvi bargan Roald Dahla bihtáin: Noaideáhkut (Heksene). Álgočájálmas lea gaskavahko cuoŋománu 21. beaivve tii. 18:00 Birasvisttis.

Sáhtat tiŋgot bileahtaid álgočájálmassii mii lea njukčamánu 3. beaivve, ja nuppi čájálmassii mii fas lea njukčamánu 4. beaivve Deanu ráđđevistti telefonguovddážis; tlf: 46400200

Ávžžuhuvvo! (beaggá ahte bohtet ollu geahččit)

Gieldda duojár Hilly Sarre lea dál jođihan barggu muohtabáhciiguin vahku. Dán jagi leat válljen sámi eatnavulosaččaid fáddán. Dan leat válljen danin go kulturskuvla lea bargamin stuorra čájálmasain, nammalassii Sunná šielain.

Njukčamánu 3. beaivve tii. 18:00 lea dat beaivi masa leat guhká ráhkkanan.

Dán vahkkuloahpa lei sámi mánáidteáhtera ohppiin ollu bargu. Biktasat ja muđostagat galge gergejuvvot govvemii sotnabeaivái.

Juoigandronnet Inga Juuso boahtá Detnui maŋŋebárgga guovvamánu 9. beaivve. Deanu kulturskuvlla oahppit leamaš nu lihkkoš ja leat ožžon Inga Juuso, ieš alddis jo kulturskeaŋka, iežaset stuorra buvttadeapmái: Sunná šiella.

Eirihn Keüer, dánsapedagoga Hámmárfeastta kulturskuvllas, boahtá Detnui bearjadaga 29.01. Son áigu hábmet korreografiija Michael Jakcson lávlagii Thriller. Nuoraidtáhterjoavku lea dáid beivviid bargamin čájálmasain: Heksene (noaideáhkut) maid Roald Dahl lea čállán. Doppe galget noaideáhkut dánsut. Kursa lea ruhtaduvvon ee. ruđaiguin HATS:s.

Kulturskuvlla nuoraidteáhterjoavku lea bures boahtán johtui geahččalemiiguin Roald Dahla bihtáin Noaideáhkut.Mis lea álgočájálmas cuoŋománu 21. beaivve tii. 18:00 Birasvisttis, ja čájálmas cuoŋománu 22. beaivve tii. 18:00 seamma sajis.Eaŋlánddas leat ollu noaideáhkut, ja mis Kulturskuvlas váilot muhtun.

Kulturskuvlla stuorra molssafárdabargu manná loahpa guvlui maŋŋá go leat gorron ja gorron olles vahkkuloahpa. Váhnemat leat bargan duođai buori barggu. Mii leat gergen buot 21 gahpira, buot 21 boahkána, ja eanáš gávttit leat maid fargga geargan. Dán jagáš stuorra álgočájálmas lea njukčamánu 3. beaivve, ja dalle čájehuvvo Inger Margrethe Olsena bihttá Sunná šiella.

Mannan vahkkkuloahpa ledje 11 kulturskuvlaváhnema čoahkkanan, ja mii vajaimet 25 gávtti, 25 čiehgahpira ja 25 boahkána. Guokte gávtti gárvánedje ollásit, čieža leat measta gárvá, ja gahpiriin váilu dušše dearis ja guolga. Mii ráhkadeimmet 23 seaibbi.

Deanu kulturskuvla galgá ohpihii ovddastit Norgga riikkaidgaskasaččat. 11. máilmmi mánáidteáhterfestivála lágiduvvo Duiskkas geassemánus 2010. Teáhterjoavku Soapmásat leat dál bargamin ođđa sámi drámáčájálmasain maid Inger Margrethe Oskal lea čállán: Sunná šiella.

Musihkkaluokku sáhttá dál váldit atnui, ja sátnejođiheaddji geavahii botkenbasttai go rabai musihkkaluokku almmolaččat.