Leat go don gaskkal 6 ja 14 jagi, ja liikot tevdnet? Ále mahkaluša, muhto rábát bliántta ja tevdnes du evttohusa albma dáiddačájálmassii Komii Ruoššas. Maŋŋá sirdo olles čájálmas Ungarnii.
Mii hálidat ahte don tevdnet juoga maid leat gullan muhtun máidnasis dahje cukcasis. Sádde tevnnegat kulturskuvlii ovdal bearjadaga golggotmánu 7. beaivve, ja de sáhttá nu geavvat ahte justa du govva beassá čájálmassii Ruššii ja Ungarnii.

Beaivváš sámi našunálateáhtera ávvočájálmas lea ožžon buoremus árvosáni. Čájálmas čájehuvvo duorastaga 03.03.11 tii. 19:00 Deanu máŋggageavahusvisttis.

Noaideáhkut leat oaidnit dego dábálaš nissonolbmot ja geavahit dábálaš biktasiid. Muhto sii leat bahát ja vašuhit mánáid. Dan dihtii dollet sii jahkečoahkkima, gos hutket daid buot issoreamos plánaid, nammalassii ahte áigot luottahuhttit buot máilmmi mánáid. Lea jahki vássán das rájes go noaideáhkuin lei jahkečoahkkin Deanus, ja dál lea fas áigi čoahkkinastit Bures boahtin generálageahččaleapmái gaskavahko 02.03. tii. 17:00 Birasvistái. Buot mánát geat eai dieđe nu ollu noaideáhkuid birra, leat erenomáš buresboahtimat, go lea hui dehálaš máhttit iktit noaideáhkuid.

Dain geain diibmá ii lean vejolašvuohta fitnat geahččamin kulturskuvlla čájálmasa Sunná šiella, ožžot vejolašvuođa dál. Maŋŋebárgga 01.03. tii 17:00 lea kulturskuvllas generálageahččaleapmi Deanu birasvisttis. Buot mánát leat buresboahtimat.

Njukčamánu 3.-6. beaivve lágiduvvo Finnmárkku kulturskuvlafestivála Deanus, ja dohko bohtet birrasii 150 - 200 oasseváldi. Dan olis dárbbašat kafea Galleri Martinii. Deanu kulturskuvla addá dál vejolašvuođa servviide, joavkkuide dahje skuvlaluohkáide geat dárbašit ruđa, lágidit kafea.

Njukčamánu 3.- 6. beaivve bovdet mii iežamet ja eará kulturskuvlaohppiid Finnmárkkus golmma hávskes kulturbeaivái Detnui. Mii ávžžuhat din lohkat gihppaga dárkilit, ja válljet kurssaid masa háliidehpet searvat. Lassin kurssaide mii fállat golbma olleseahkeda čájálmasa.

Deanu kulturskuvla bovde Davviriikalaš mánáidteáhterfestiválii borgemánu 1. -7. beaivve 2011 Deanus.

Deanu kulturskuvla galgá lágidit guokte stuorra festivála 2011:s. Finnmárkku kulturskuvlafestivála lágiduvvo njukčamánus, ja borgemánus lágidat fas stuorra doaluid, nammalassii Davviriikalaš mánáidteáhterfestivála DAVVI MÁNÁT.

Čuovo bagadusa mo galggat dieđihit iežat kulturskuvlii dán artihkkalis. Sáhtát válljet čuovvovaš kurssaid gaskka: Čuojahit muhtun čuojanasa, juoigat, teáhter, dánsa ja drámá, luhkka- ja njálfáhttagoarrun ja ođđasit hábmet boares biktasiid.

Ohcanáigemearri lea borgemánu 10. beaivve.

Deanu kulturskuvla lea geassemánu 17. beaivve johtimin Duiskii. Doppe lágiduvvo 11. World festival of childrens theatre.

"Vente på Godot" čájehuvvo Deanus gaskavahko geassemánu 2. beaivve. Neavttárat leat ee. Kristian Figenschou jr, Finn Arve Sørbø ja Sebastian Riel-Saua.

Kulturskuvlla nuoraidteáhterjoavku lea olles dálvvi bargan Roald Dahla bihtáin: Noaideáhkut (Heksene). Álgočájálmas lea gaskavahko cuoŋománu 21. beaivve tii. 18:00 Birasvisttis.