Dán jagáš kulturmuitobeaivi lágiduvvo Kildeslias Juovlavuonas
Kulturmuitobeaivi čakčamánu 12. beaivve 2010
Deanu musea/ Deanu gielda bovde ovttas eaktodáhtolaš servviiguin ja joavkkuiguin ja Kildeslia eaiggádiiguin 2010' Kulturmuitobeaivái Kildeslii Juovlavuonas čakčamánu 12. beaivve 2010. Riikaviidosaš fáddá kulturmuitobeaivái lea: "Ođđa atnu dološ muittuin". Báikkálaččat mis lea fáddá "Kildesli áiggiid čađa, Ođđa atnu dološ muittuin."
Mii oassálastit dán jagi maid riikaviidosaš gilvvus oažžumis kulturmuitobeaivvi bálkkašumi. Deanu gielda lea daid 5' buoremusaid gaskkas. Dán jagi gielda šattai goalmmádin 58 dieđihuvvon doaluin givvus. Oktiibuot leat riikaviidosaččat birrasii 100 - 120 doalu. Prográmmas leat ee. kulturmuitovánddardeapmi Lávvonjárggas, stoahkamat mánáide, logaldallan Kildeslia birra, govvačájáhus dološ biergasiin main lea ođđa atnu ja govvalogaldallan árbevirolaš, gáhttejuvvon viesuin Lávvonjárggas.
Prográmma: Kulturmuitobeaivi 2010, čakčamánu 12. beaivve
Fáddá: Kildesli áiggiid čađa - ođđa atnu dološ muittuin
Báiki: Kildesli, Juovlavuotna
Ii mávsse maidige beassat sisa.
10.30 Fatnasiin Suoidnesullos Lávvonjárgii
11.00 Kulturmuitovánddardeapmi Lávvonjárggas (jus lea buorre dálki)
Vánddardat ja geahčadat muhtun dain divvojuvvon ja gáhttejuvvon viesuin ja áittiin Lávvonjárggas, ja oaidnit mo dat geavahuvvojit otne.
12.00 Kulturmuitobeaivvi rahpan Kildeslias
12.10 Olgodoaimmat álget
Vuoššanroggi, ja láibbiid bassin geđggiid alde
12.15 ”Kildesli áiggid čađa”
Logaldallan das makkár doaimmat Kildeslias leat leamaš iešguđetge áigodagain.
13.30 Lávvonjárga-prošeakta
Arne Graven muitala ja čájeha govaid Lávvonjárgga dološ visttiid divodanbargguin.
Doaimmat mat čađahuvvojit beaivvi mielde:
- Kaféa váldovisttis
- Čájáhus: ”Ođđa atnu dološ muittuin ”
Dološ atnobiergasat mat geavahuvvojit eará láhkai dán áigge.
Smávva govvačájáhus dološ visttiin Skiippaguras
- Vuoššanroggi - vuoššat guliid ja biergguid
- Bassit láibbiid geđggiid alde
- Doaimmat mánáide:
Stoahkamat. Mo stohke mánát dolin?
Duhppen