Language Language Language Visning: A A A A A
toppbilde

Koronaboahkut 2021 – Dieđiheapmi ja dieđut

Buohkat badjel 18 jagi geat háliidit koronaboahkuid fertejit registreret iežaset boahkuhanráidui.

Buot ássit badjel 18 jagi sáhttet dál registreret iežaset koronaboahkuide. Dus ferte leat báŋko-ID go galggat sáhttit geavahit bálvalusa. Lea maiddái vejolaš dieđihit bearašlahtuid geain alddiineaset ii leat báŋko-ID.  

FUOM! Buohkaide badjel 75 jagi (riegádan 1936 - 1945) riŋgejuvvo nu ahte ožžot diimmu boahkuheapmái. 

Go leat sisaloggejuvvon, de fertet vástidit muhtin álkis gažaldagaid agi, fitnu ja dearvvašvuođa birra. Maŋŋel registrerema oaččut SMS mii duođašta don leat registrerejuvvon.

Buohkat boahkuhanráiddus biddjojit vuoruhuvvon ortnetvurrui nationála rávvagiid vuođul. Dađistaga go boahkut bohtet, de oaččut SMS mas lea liŋka diibmodiŋgomii go šaddá du vuorru. Sáhttá mannat guhkes áigi dan rájes go leat registreren iežat boahkuhanráidui, dassážii go šaddá du vuorru, visot lea dan duohken man ollu boahkuid mii oažžut.

Muhtun boahkuin galgá oažžut ovtta dosa, eará boahkuin galgá oažžut guokte dosa. Don oaččut dalle diibmodiŋgojumi goappaš dosii oktanis. Diibmodiŋgojupmi duođaštuvvo SMS:s boahtinbáikkiin ja diibmomeriin goappaš dosii.

Boahkut leat nuvttá ja lea eaktodáhtolaš váldit daid. Lea gielda mii čađaha boahkuheami. Don it galgga váldit oktavuođa iežat fástadoaktáriin go áiggut oažžut koronaboahkuid.

Deaddil dákko dieđihit iežat koronaboahkuheapmái