Kárttat ja plánat biddjojit nehttii jagi mielde
Deanu gielddas lea kontráktasoahpamuš Norkart Geoservicein dán barggu oktavuođas.
2009:s Deanu gielda oaččui oktiibuot 400.000,- kruvnnu Finnmárkku Fylkkamánnis ja Ođasmahttin ja IKT direktoráhtas (Difi) prošektii: Geodatahálddašeami ođasmahttin Deanu gielddas. Dasa lassin lea ovdagoddi bidjan sierra 190.000,- kruvnnu dán prošektii. Ulbmilin lea bidjat buot gieldda kárttaid ja areálaplánaid internehttii. Dat dagaha maiddái buoret áššemeannudeami. Ovdabarggut ja fálaldatvuorru válddii ollu áiggi, muhto geassemánu loahpas šiehtadallui kontrákta Norkart Geoservicein.
Go prošeakta loahpahuvvo ovdal juovllaid dán jagi, de sáhttet buohkat geain lea interneahttaoktavuohta gávdnat kárttaid ja areálaplánaid, omd. iežaset opmodaga badjel, gieldda ruovttusiidduid bokte. Neahttačujuhusas vuolábealde sáhtát geahččat ovdamearkka mo dát doaibmá Romssa gielddas.