Language Language Language Visning: A A A A A
toppbilde

Nammaduvvon niehkostipendii

Johan Benjamin Breivik

Deanu kulturskuvla lea nammadan Arne Walter Halto oahppi Niehkostipendii.  Johan Benjamin sáhttá vuoitit 30 000,-.

Johan Benjamin

Norsk Tipping ja Norgga Kulturskuvlaráđđi leat rievdadan Niehkostipeandda. Sii leat bajidan ulbmiljoavkku agi 18 - 26 jahkái ja sii leat duppalastán stipeandasupmi 30 000,- ruvdnui. Johan Benjamin lea Juovlavuonas eret ja lea riegádan 1995: s. Son gávnnai ealligeainnuset Kulturskuvlla čuojanasfálaldaga bokte. Son dál orru ja bargá Troandimis ja su lea iežas musihkkafitnodat.

Deanu kulturskuvla attii sutnje gitára, keyboard, rumbbuid ja vel tuba čuojanasoahpu. Johan Benjamin oaččui buori ja lagas gaskavuođa iežas kulturskuvlaoahpaheddjiin, Arne Walter Haltoin, njeallje jagi badjel.  Áidná oahppin Juovlavuonas, de lei ruovttuoahpahus áidna mii gustui. Son illudii diimmuide vai son duođai beasai čájehit maid lei oahppan maŋemus deaivvadeami rájes. Johan Benjamin muitala ahte sudno gaskavuohta šattai erenoamáš, go leigga dušše guovttá, oahpaheaddji ja oahppi, ja sutnje šadde alla vuordámušat ja máhttu “návlejuvvui” sutnje. Su mielas oahpahus lei gelddolaš ja lei álohii juoga ođas ja gelddolaš maid galggai oahppagoahtit. Arne Walter doarjjui su nai go son ohcalii ráhkadit iežas musihkalaš materiála. Johan Benjamin álohii lei lávddis Juovlavuona lohkanbadjeloahpahemiin iežas materiálain dahje coveriin. NKD šattai sutnje dehálažžan, go doppe deaivvai olbmuid seamma beroštumiiguin ja son ásahii bistevaš ustitvuođaid mat vel odne nai leat ávkin. Vidar Helander čuojaha su joavkkus ja orru maiddái Troandimis. Sudnos lea aktiivvalaš musihkkaeallin ja dii sáhttibehtet vásihit sudno čuojaheame youtubes ja Spotifyas. 

Dii sáhttitbehet oaidnit su ohcama dás: 

https://www.drommestipendet.no/profil/?id=2709

Ja guldalit su musihka dás: 

https://drive.google.com/file/d/1IN0_6Huc4pG0isM3xu6AiWtacj9CE23S/view