Jienastanvuoigatvuohta
Dáin lea jienastanvuoigatvuohta:
Norgga stáhtalahtut guđet:
· devdet 18 jagi ovdal válgajagi loahpa ja guđet
· leat, dahje leat leamaš, girjejuvvon Norgga ássin álbmotregistarii, ja guđet
· eai leat massán jienastanvuoigatvuođaset Vuođđolága § 53 vuođul.
Diplomatiija dahje konsuláhtalágádusa bargit ja sin bearašlahtuin lea jienastanvuoigatvuohta vaikko sii eai deavdde ássaneavttu.
Stádalahtut geat eai leat norgalaččat guđet muđui devdet gáibádusaid, jus sii
· leat girjejuvvon álbmotregistarii Norgga ássiin dan maŋimuš golbma jagi ovdal válgabeaivvi, dahje
· leat muhtun eará davviriikka álbmotlahttun ja lea girjejuvvon álbmotregistarii ássin Norggas maŋimustá geassemánu 30. beaivve válgajagi.
Olgoriikkalaš álbmotlahtut geat dieđihit fárrema eret Norggas ovdal válgabeaivvi, masset jienastanvuoigatvuođa.
Jus galggat beassat jienastit, de fertet leat girjejuvvon jienastuslohkui muhtun gielddas.