Language Language Language Visning: A A A A A
toppbilde

Informašuvdna jodetableahtaid olggos juohkimis ee.

Dál jerret muhtumat dakkár áššiin mii guoská jodetableahtaide ja mii háliida muitalit stáhtusa birra.

Deanu gielddas lea vurkejuvvon valjis jodetableahtat.
Dat tableahtat šaddet juhkkojuvvon olahanjovkui jus dasa šaddá leat dárbu.
Gielda lea dál áiddo čađaheamen gearggusvuođarutiinnaid tableahtaid olggos juohkimis.
Tableahtat galget leat olahanjoavkku olámuttus 12 diimmus siste maŋŋá go eisseválddit leat dieđihan.

Olahanjoavku lea mánát vuollai 18 jagi, áhpeheamit ja njamaheaddjit. (Gielddas leat doarvái tableahtat olahanjovkui) 

Duogáš

Jus šaddá leat dakkár dilli gos rádioaktiivvalaš gahččan čuozahan Norgga, de lea jus váldá buhtes jođe de dat eastada rádioaktiivvalaš ávdnasa darváneamis guoggomasráksái nuorra olbmuin. Dat várra sáhttá eastadit amas borasdávda boahtit guoggomasráksái. Danne lea dehálaš ahte jodetableahtat leat olámuttus mánáide vuollai 18 jagi, áhpehemiide ja njamaheddjiide jus rádioaktiivvalaš jođe leavvá áibmui ja eisseválddit ávžžuhit dalle borrat tableahtaid.

Lea kriisalávdegoddi atomagearggusvuođas (KUA) gii atomalihkohisvuođas veardida leago dárbu geavahit jodetableahtaid Norggas. KUA jođihuvvo Direktoratet for strålevern og atomsikkerhet (DSA) bokte. Vaikke ii leat dieđihuvvon suođđan atomafápmorusttegiin Ukrainas, de lea riska bárttiide ja lihkohisvuođaide veahá stuorát go normála dilis dan sivas go riikkas lea soahti. Danne bivdá  Helsedirektoratet riikka gielddaid fuolahit ahte jodetableahtat leat gávdnomis ja dat leat olámuttus mánáide vuollai 18 jagi, áhpehemiide ja njamaheddjiide oanehis áigge siste.

Don sáhtát lohkat eanet jodetableahtaid birra lihkohisvuođaid bokte dákko: https://dsa.no/atomberedskap/jodtabletter