Språk Språk Språk Visning: A A A A A
toppbilde

ID 790 – bistevaš 100 % inšenevra virgi geas leat huksenteknihkalaš gelbbolašvuohta/buollinhoavda

Deanu gielddas leat sullii 2900 ássi. Gielda lea Nuorta-Finnmárkkus ja lea rádjagielda Supmii. Deatnu, vuotna ja duottar leat gieldda erenoamášvuođat ja váikkuhit ássamii, kultuvrii ja ealáhusaide. Gielddaguovddáš Deanušaldi lea Nuorta-Finnmárkku gulahallanguovddáš ja deaivvadansadji olbmuide geaiguin leat iešguđetlágan giella ja kultuvra. Gielda lea oassin sámegiela giellalága hálddašanguovllus. 

Min buollinhoavda /prošeaktajođiteaddji manna ealátahkii, ja mii ohcat su maŋisboahtti. 

Deanu gielddas lea dasto rabas 100 % inšenevra virgi geas lea huksenteknihkalaš gelbbolašvuohta/buollinhoavda.

Virgi lea organiserejuvvon Huksen-, rustet- ja IT- ossodahkii (BAIT) ja ossodagas leat oktasašdallu sierra ođđaáigásaš hálddatusvisttis lahka buollinstášuvnna.

Deanu gielddas lea dál áktiiva huksenáigodat oktanava stuorát huksenprošeavttain mas leat miellagiddevaš fágasuorggit. Seammás maid bohtet ovddosguvlui sullasaš prošeavttat mas vuordagat leat ahte olmmoš lea   «ovdeliigeahčči» ja aktiiva.

Ossodagas leat bargit geat leat áŋgirat ja geaiguin leat buorre formála ja realgealbu.

Mis lea buresdoaibmi buollindoaimmatat ja aktiiva ja áŋgiris buollinveahka.

Bargoveahka ja rusttegat buollin- ja gadjunbálvalusas mii lea eastadeaddji ossodat ja geaggusvuođa ossodat, ja heivetuvvon váralaš- ja hearkivuođa-analiisa gielddas.

Ossodat leat gieldda fágastába álmmolaš oastinhákamii, nu ahte mii veahketat eará doaimmatusaid oastinhákamii/anbudain.

 Mii ohcat olbmo geas leat:

  • Inšenevraoahppu ja huksenteknihkalaš gelbbolašvuohta.
  • Vásátus prošeaktačuovvoleapmái, huksenjođiteapmái ja anbudabargui.
    Buorre dihtormáhttu nogo geavtit DAK/Cad-neavvuid (mii geavatat AutoCad), áššemeannuđanreiddu, Microsoft Office/Office 365, elektrovvnalaš ovttasdoaimmatat go geavata Skype, ja dovdat maid elektrovnnalaš anbudaneavvuid (Visma Tendsign/Mercell).
  • Buollinhoavddagealbu dahje gealbu váldit dákkár oahpu. Ohccit geain ii leat doarvái buollinhoavddagealbu ferte reknastit ahte váldá dakkár oahpu jođáneammosit.
  • Virgái gullá ásatuvvon molssolaš bajitfuolalaš ruovttuváktaordnet buollingearggusvuhtii.
  • Buorre dárogiel máhttu čálalaččat ja njálmmálaččat.
  • Stuorra heivetanmunni ja ovttasbargonávccat leat dehálaččat.
  • Persovnnalaš heivvolašvuohta

 Mii fállat

  • Fágalaš ovdáneapmi ja buorre bargobiras
  • Ollu čeahpes ja mielamiel bargoustibat
  • Gelddolaš bargosadji, gos don oažžut stuorra váikkutan vejolašvuođa ovdánahttit Deanu gieldda.
  • Ekonoamálaš ovdamunni vearrogeahpideapmái ja oahppoluonaid geahpiđanordnet
  • Buorre penšuvdna ortnegat
  • Lášmmotallan vejolašvuohta bargoáiggis

Ohcanáigemearri: 30.03.19

Deanu gielda lea oassin ja gullá sámelága giellanjuolggadusaid hálddašaguvlui, gos sámegiella lea almmolaš giella lassin darogillii. Jos ohccit muđui leat ovttadássálágaid de leat ovdamunni ohccis gii hálddaša darogiela ja sámegiela. Ohcciiid mii danin bivdit buktit dieđuid giellagelbbolašvuođaset birra.

Gielda gullá Davvi Romsa ja Finnmárkku doaibmaguvlui mii addá ekonoamálaš ovdamuni nu go unnit vearu, vearrofrijja studieloatna geahpideapmi ja frijja el-divvat geavatusas. Muđui lea virgádeapmi lágaid, soahpamušaid ja njuolggadusaid vuođul. Gielda sáhttá veahketit gávdnat ássanvissti. Gielda gokčá fárrengoluid gieldda fárrennjuolggadusaid mielde.

Jos du ohcan ii galggá leat álmmolaš ohcanlisttus, de fertet dan ákkastit ohcamis. Dieđut sáhttet šaddat álmmolaččat váikke ieš it leat háliđan leat ohcanlisttus, geahča álmmolašvuođalága § 25. Ohcci oažžu dieđu jos du reservašuvnna dáhttu ii váldo vuhtii.   

Lagabui dieđuid virggi birra oažžut jos váldát oktavuođa: doaimmatusjođiteaddji Bill Sørensen`ain, tlf. 464 00 300, e-poasta: bill@tana.kommune.no dahje buollinhoavdain/prošeaktajođiteaddjin Odd Reidar Biti`n, tlf. 464 00 240, e-poasta. orb@tana.kommune.no

Mii váldit vuosttá dušše elektrovnnalaš virgeohcamiid. Elektrovnnalaš ohcanskovis fertet deavdit dieđuid oahpu ja bargovásáhusa birra. Dat ii leat doarvái deavdit dušše personalia ja lástet bajás CV. Referánssaid mii bivdit buktit ohcamis. Duođaštusaid oahpu ja bargovásátusa birra fertet ovdanbuktit bargojearatallama oktavuođas

Dakko sáhtat virggi ohcat