Gilinamat oassin almmolaš čujuhussii Deanus
Dál sáhttet Deanu ássit oažžut gilinama oassin almmolaš ássan- ja poastačujuhussii. Juohke eananeaiggát (eananeaiggát dahje dat guhte láigoha eatnama) sáhttá ieš válljet makkár gillii hálida gilinama iežas čujuhussii. Buot vuoigatvuođalaččat geat hálidit gilinama iežas čujuhussii, fertejit addit dieđu gildii. Gielda lea dán várás ráhkadan skovi. Jus leat máŋga eaiggáda opmodagas (searveopmodat), de fertejit eaiggádat soahpat makkár liigenama čujuhussii háliidit. Lassinamat šaddet oassin dan álbmotregistrerejuvvon almmolaš čujuhussii easkka 2018:s. Ii leat makkárge áigemeriid dávistit.
Ollugat leat ohcalan gilinamaid oassin almmolaš čujuhusain, maŋŋá go measta buot viesut ja astoáiggeviesut Deanus dál leat ožžon geaidnočujuhusaid. Dilli Deanus lea erenomáš, go dáppe leat sihke sámi, dáru ja kvena gilinamat anus. Dan dihtii gielda lea bargan hui garrasit gávdnan dihtii čovdosa mii duhtada buohkaid. Čoahkkimis 03.03.2017 dagai Fuolahusa, bajásšaddama, ja kultuvrra váldolávdegoddi (HOOK) čuovvovaš mearrádusa:
« Buohkat geat láhkavuođu bokte oamastit opmodaga ja leat ožžon geaidnočujuhusa vistái iežaset opmodagas, fertejit addit dieđu gildii ovdal 20.04.2017, ahte makkár gillii sii háliidit ahte gielda galgá juolludit liige geaidnočujuhusnama. Dát namat logahallojit matrihkkalii. Daidda, geat láhkavuođu bokte oamastit opmodaga, muhto geat eai atte dieđu gildii ovdal 20.04.2017, ii juolluduvvo liige geaidnočujuhusnama.»
Mearrádusa mielde lei listu buot namain maid sáhttá geavahit lassinamman čujuhussii. Namat ja olles mearrádus lea liŋkkas dás vuolábealde. Gielda lea ráhkadan skovi maid sáhttá geavahit addin dihtii gildii dieđu das ahte makkár gillii hálida liige geaidnočujuhusnama. Dát skovvi lea vuolimusas artihkkalis. Namaid maid sáhttá válljet, leat dán listtus.
Čujuhusaid lassinamaid geavaheapmi
Liige geaidnočujuhusnamat biddjojit geaidnočujuhusa ovddabeallái poasta- ja ássanguovločujuhusain, nu mo čuovvovaš ovdamearkkas Buolbmágis:
Ole Per Hansen Ole Per Hansen Ole Per Hansen
Buolbmát/Polmak/Pulmanki dahje: Buolbmát dahje: Polmak dahje
Polmakveien 2145 Polmakveien 2145 Polmakveien 2145
9845 DEATNU 9845 DEATNU 9845 DEATNU
Ole Per Hansen Ole Per Hansen Ole Per Hansen
Pulmanki dahje: Buolbmát/Pulmanki dahje: Buolbmát/Polmak dahje
Polmakveien 2145 Polmakveien 2145 Polmakveien 2145
9845 DEATNU 9845 DEATNU 9845 DEATNU
Ole Per Hansen
Polmak/Pulmanki
Polmakveien 2145
9845 DEATNU
Ja čuovvovaš ovdamearka Juovlavuonas:
Hans Ole Olsen Hans Ole Olsen
Juovlavuotna/Austertana dahje Juovlavuotna/Jouluvuono dahje
Austertanaveien 6521 Austertanaveien 6521
9845 DEATNU 9845 DEATNU
Hans Ole Olsen Hans Ole Olsen
Austertana/Jouluvuono dahje Juovlavuotna dahje
Austertanaveien 6521 Austertanaveien 6521
9845 DEATNU 9845 DEATNU
Hans Ole Olsen Hans Ole Olsen
Austertana dahje Jouluvuono
Austertanaveien 6521 Austertanaveien 6521
9845 DEATNU 9845 DEATNU
Čuovvovaš hámi ii sáhte válljet, danin go dat gártá guhkit go 25 mearkka (posišuvnna):
Hans Ole Olsen
Juovlavuotna/Austertana/Jouluvuono
Austertanaveien 6521
9845 TANA
Adressetilleggsnavn: Vedtak.pdf