Language Language Language Visning: A A A A A
toppbilde

Giellabargi

Deanu giellagáddái leat lassánan doaimmat ja ohcá giellabargi álgin čakčamánus.

Barggut leat jorgaleamit, Deanu gieldda ja Deanu giellagátti giellaplána čuovvuleapmi, čađahit giellaprošeavttaid, dulkot gielddastivračoahkkimiin ja eará čoahkkimiin, Web ja Facebook siidduid beaivádeapmi ja dan lassin sáhttet boahtit eará barggut.

Lea bistevaš gaskaboddosaš virgi álggos vuos jagi 2019 lohppii, muhto sáhttá šaddat bistevaš virgin. Bálká lea soahpamuša mielde. Eambbo dieđuid oaččut go válddát oktavuođa: telefovdna 46613601.

Ohcamuš sáddejuvvo deike: Deanu giellagáddi, poastaboksa 7, 9846 Deatnu dahje e-poastta bokte deike: post@segdeatnu.no. Ohcanáigemearri. Borgemánu 9. b 2019