Language Language Language Visning: A A A A A
toppbilde

Gielddalaš plánastrategiija 2012 – 2015

Plánastrategiija lea sáddejuvvon gulaskuddamii ja áigemearri lea miessemánu 1. beaivve 2012.

Plánastrategiija lea politihkalaš reaidu mainna vuoruha makkár plánabargguid gielda galgá čađahit áigodagas 2012 – 2015 duhtadan dihtii plánadárbbuid.

Gielddalaš plánastrategiija galgá addit buoret ja eambbo systemáhtalaš árvvoštallama plánadárbbuide nu ahte leat gárvát hálddašit ovdánanproseassaid, hástalusaid, ávkkástallat vejolašvuođaid ja ollašuhttit iežamet mihttomeriid gieldda ovdánahttima ektui. Plánastrategiija politihkalaš gieđahallama bokte galgá gielddastivra gávnnahit ahte galgá go gielddaplána dahje gielddaoasseplánat ollásit dahje muhtun muddui dárkkistuvvot. Dat mearkkaša mearrádusa das ahte galgá go gielddaplána servodatoassi ja gielddaplána areálaoassi jotkot nu mo lea, vai galgá go unnit dahje eambbo rievdaduvvot.
Plánastrategiija lea dál sáddejuvvon gulaskuddamii kránnjágielddaide ja sektoreiseválddiide, ja gulaskuddanáigemearri lea miessemánu 1. Beaivve 2012. Lea jurdda ahte gielddastivra meannuda plánastrategiija geassemánu 21. beaivve 2012.
Evttohus plánastrategiijamearrádussii
Gielddaplána servodatoassi
1. Gielddaplána servodatoassi 2008 – 2019 jotkojuvvo almmá obbalaš ođđa árvvoštallama nu ahte gusto áigodahkii 2012 – 2023.
2. Dilálašvuođačilgehus plánastrategiijas 2012 – 2015 boahtá gielddaplána servodatoasi 2012 – 2023 dilálašvuođačilgehusa sadjái.
3. Doaibmabijut gielddaplána servodatoasis váldojit eret. Dát bohtet ovdan gielddaplána doaibmaoasis.
4. Gielddaplána doaibmaoasi jahkásaš ođđa árvvoštallama olis dahkkojit smávit rievdadusat guhkitáiggemihttomeriin plánas.
Gielddaplána areálaoassi
1. Olles gielddaplána areálaoassi 2002 – 2013 galgá dárkkistuvvot.
2. Gustovaš areálaoasi váldočuoggát jotkojit ođđa areálaoasis. Dát guoská
a. Huksenguovlluide ja guovlluide mat leat várrejuvvon bieđggus viesso-, fidno- dahje 
    astoáiggehuksemiidda
 
á. Váldonjuolggadussii ložžes viessohuksemiid sierralobipraksisii
b. Otnáš muddenplánat galget ain leat fámus
3. Ferte identifiseret areála boahtteáigásaš viessohuksemii Holmesundas.
4. Guovlu čázádagaid birra, oktan 100-mehteravádagain ferte árvvoštallot huksemiid ektui.
5. Olles gieldda ferte árvvoštallat daid ođđa guovlluid ektui mat sáhttet heivet astoáiggevisttiid huksemiidda.
    Vuotnaguovllut, Roavvegieddi ja guovllut lahka jogaid leat guovllut mat leat erenomáš áigeguovdilat lassin
    guovlluide lahka guovddáža.
 
6. Ferte árvvoštallot ahte leat go meahcceguovllut gosa boahtteáiggis sáhttá hukset gođiid ja barttaid.
 
7. Fertejit mearriduvvot njuolggadusat huksehusaid sturrodaga ektui ja man ollu huksehusat sáhttet leat    astoáiggeopmodagain ja láigomearkkain astoáiggehuksehusaid várás.
 
8. Gilvojuvvon eatnamiidda ii galgga huksejuvvot ja areálat mat gullet boazodollui galget gáhttejuvvot.
 
9. Boahtteáigásaš minerálariggodagaid ávkkástallama rámmaid gielddas ferte suokkardallat ja árvvoštallat.
 
10. Otnáš valáštallanrusttegat ja –láhtut/ mátkeláhtut fertejit biddjot plánakártii. Ja fysalaš doaimmaid ja
      boahtteáigásaš valáštallan- ja olgodaddandoaimmaid areálat fertejit biddjot plánakártii.
11. Otnáš mássavieččahaga ferte suokkardit ja ássiide ferte gávdnat ulbmilaš geavaheami otnáš vieččahagas.
 
12. Árvvoštallat ja guorahallat erenomážit energiijaháhkama ja rievdadeami/ beavttálmahttima guovlluin mat leat
      várrejuvvon huksemiidda.
 
13. Deattuhit luondduguovlluid mat eai leat lihkahuvvon mo ge,
 
14. Dehálaš eanadatárvvut árvvoštallojit ja čalmmustahttojit.
 
15. Galgá mearriduvvot man govdat dearbmeravddat galget leat, gos lea lunddolaš vegetašuvdna, buot
      čázádagain gielddas, vrd. čáhceriggodatlága § 11.
 
16. Areálageavaheapmi gáddeavádagain vuonain divaštallojit ollislaš ja guhkit áigásaš perspektiivvas.
 
17. Ferte árvvoštallot ahte sáhttet go skálžobiebman- ja dorskeguollebiebmanrusttegat leat lagat čilgejuvvon  
      báikkiin Deanuvuonas, vai mannet go dat riikaviidosaš luossavuotnastáhtusa vuostá.
 
18. Ferte čielggadit ja erenomážit deattuhit risiko ja hearkivuođa mii lea čadnon lunddolaš dilálašvuođaide, mii ee.
      sáhttá boahtit dálkkádatrievdademiin.
 
19. Ferte árvvoštallat lea go vejolaš ásahit gielddaidgaskasaš skohterláhtuid gielddaid gaskka Finnmárkkus.
      Merkejuvvon skohterláhttu Nuorta-Finnmárkkus Oarje- Finnmárkui livččii sáhttit dagahit ahte Fylka bijašii
      eambbo searaid turismii ja olbmuin livččii eambbo miella ássat gielddain.
 
20. Ferte árvvoštallot ahte lea go vejolaš ovttasbargat kránnjágielddaiguin časkimis oktii otnáš rabas
      bievlavuodjinmáđiid daid iešguđetge gielddain. Dákkár ovttasbargu dagahivččii luondduávkkástallama stuorát
      guovlluin álkibun, ja dat loktešii loaktima ja ássanmiela.
 
 
Eará gielddaoasseplánat ja fáddá-/ sektorplánat
 
1. “Valáštallama ja fysalaš doaimmaid” ja “Dálkkádat ja energiija” gielddaoasseplánat árvvoštallojit ođđasit sierra
      plánaprográmma ektui mii lea čilgejuvvon dán kapihttalis. Deanučázádaga ja čáhceháhkama  
      gielddaoasseplána ii árvvoštallo ođđasit áigodagas. Gielddaoasseplána Deatnu mátkemearreovdáneapmin
      (mátkeeallinplána) ii árvvoštallo ođđasit ja heaittihuvvo. Doaibmabijut leat gielddaoasseplána doaibmaoasis
      mii árvvoštallo ođđasit juohke jagi.
 
2. Fáddá-/ sektorplánat árvvoštallojit ođđasit nu mo boahtá ovdan tabeallalisttus.
 
 
Deanu gielddastivrra mielas lea dehálaš ahte hálddahus vuoruha čuovvovaš plánaid erenomážit
 
1. Muddenplána mii farggamusat sáhttá láhčit dili ođđa industriijaguovlluide guovddášguovllus. Deanu gieldda plánalávdegoddi ávžžuhuvvo čuovvulit dán ášši erenomážit.
 
 
2. Bargu gielddaoasseplána areálaosiin ferte biddjot johtui ja árvvoštallot ođđasit dan sivas go ovddeš plána lea
    boarásmuvvan.
 
Dás ferte čuovvovaš osiid divaštallat:
-       Gávdnat ja muddet heivvolaš areálaid mohtorvaláštallama várás.
-       Láhčit dili bartahuksemiidda
-       Goađit
Gielddastivra bivdá hálddahusa álggahit plána mo rekrutteret bargiid 2013 jagi mielde.
Ruhtadeapmi juolluduvvo boahtte jagi bušeahtas.
 
Gulaskuddancealkámušaid sáhttá addit plánejeaddjái Frans Eriksenii, tlf 46 400 271, e-poasta: frans.eriksen@tana.kommune.no