Language Language Language Visning: A A A A A
toppbilde

Lea vejolaš geavat giddagassii politihkalaš oainnuid geažil. Ja das sáhttá hui álkit šaddát teáhter

Giddagasas - Prison

Deanu birasvisttis gaskavahko skábmamánu 17. beaivve tii. 19:00
Greikalaš Lia Karavia vásihii máŋgga geardde geavvat giddagassii iežas politihkaš oainnuid geažil, oainnut mat vuosttildedje dalá militearadiktatuvra oainnuid. Dát atti ja addá duogáža Giddagasas čájálmassii.

Anitta Suikkari
suikkari_155x200
Teáhterčájálmas Giddagasas lea čállon dramatihkara iežas vásáhusaid vuođul Greika militearadiktatuvrra 1967-1974 áigodagas.

Almmatge ii leat čájálmas historjjálaš čájálmas mii čájeha earenoamáš áigodaga muhtin mearriduvvon riikas. Čájálmasa fáddá lea oppamáilmmálaš ja gullevažžan buot servodagaide danne go buohkat leat ovttadássásaččat, beroškeahttá náli, čearddalašvuođa dahje politihkalaččat. Buohkat galget beassat eallit iežaset eallima, árvvus ja gudnis. Goitge lea máŋggaid servodagain nállevealaheapmi, badjelgeahččanvuohta, giddagassii biddjojupmi ja illásteapmi aitto fal náli, čeardda dahje politihkalaš bargguid geažil, ja vel eiseválddiid buressivdnádusaiguin (Govva: Plákahtta Giddagasas).

Bihttás oaidnit Nina, gean Anitta Suikkari neaktá. Son lea giddagasas olbmuid dásseárvvu miellačájeheami dihte, jáhkku maid lea árben iežas váhnemiin, geat maid oaguhuvvuiga ja giddagassii lássejuvvuiga iežaska opposišuvnna geažil. Nina jurddahallá iežas vásáhusaid giddagasas, sihke mánnán eatni mielde, ja rávis olmmožin. Mot son vásihii gudnemeahttunvuođa, bággehalai psykalaččat ja givssiduvvui sihke fysalaččat ja seksuálalaččat.

Nina gal ii divtte iežas badjelgehččojuvvot. Sus lea iežas ceavzinvuohki, ii ge hilkko iežas ideologiija vaikko meannuduvvo fasttit, bahávuođain. Loahpas čájálmasas lea sus ain doaivva olbmuid vuđolaš friddjavuhtii, go lohka “muhto mu jierbmi doaibmá, dat mátkkošta, girdá.

Mielde:

Čálli Lia Karavia
Sámás Sara Margrethe Oskal
Bagadalli Kamaluddin Nilu
Lávdehábmen Bernt Morten Bongo
Neavttár Anitta Suikkari