Språk Språk Språk Visning: A A A A A
toppbilde

Searvva dán jagáš geasselohkamii ja vuoitte vuoittuid

Geasselohkan 2017

Geassi lahkona, ja mii Deanu girjerádjosis bovdet buot 1.-7. luohká ohppiid lohkat ja vuoitit vuoittuid geassemánu 1. beaivvi rájes borgemánu 31. beaivvi rádjai. 

 

Sommerles
Neahttasiiddus Sommerles.no registreret girjjiid maid leat lohkan, ja doppš sáhtát maid juogadit lohkanevttohusaid, čuovvut skihpáriiddát ja lohkat dan gelddolaš fantasiijamuitalusa Jakten på tidstyven maid Mari Moen Holsve lea čállán. Muitalusas lea dološdáru (norrøna) mytologiija vuođđun. Muitalus almmustuvvo dađistaga kapihttalis kapihttaliid geasi mielde. Don fitnet maiddái bálkkašumiid dađistaga.

Leat ollu girjjit maid gaskka sáhtát válljet, sihke dárogillii ja sámegillii, ja mii sáhttit maid háhkat girjjiid eará gillii. 

Mii loahpahat geasselohkanávvudemiin. Beaivemearri čielgá maŋŋelabbo!

Buohkat geat oasálastet ja lohket, vaikko ba beare veahá, ožžot bálkkašumi. Mađi eambbo logat, dađi eambbo vuoittuid oaččut. 

Geasselohkanávvudeamis vuorbáduvvo váldobálkkašupmi, namalassii iPada. 

Daga ná:

  • Geassemánu 1. beaivve rájes sáhtát registreret iežat neahttasiiddus sommerles.no. Váhnemat/ ovddasteaddjit fertejit dohkkehit geavaheaddjišiehtadusa (deaddil "enig", ja bija e-poastačujuhusa). Jus leat váttisvuođat registreremiin, de sáhtát jearrat veahki mis girjerádjosis.
  • Luoikka sala dievva girjjiid, dahje loga iežat girjjiid.
  • Loga, dahjue bivdde muhtuma lohkat dutnje, dahje guldal nu máŋga girjji go sáhtát gilvoáigodagas. 
  • Registrere girjjiid ja galle siiddu leat lohkan sommerles.no neahttasiiddus, ja de oaččut čuoggáid
  • Oaččut liige čuoggáid ja somás vuoittuid jus fástidat vahkkosaš bargobihtáid ja go vieččat vahku čoavddasáni girjerádjosis. 
  • Viečča vuoittuidat girjerádjosis. Oaččut dieđu sommerles.no neahttasiiddus goas sáhtát viežžat vuoittuid. 

Váhnemiidda/ ovddasteddjiide:

Sommerles lea lohkankampánja mii lea ásahuvvon movttiidahttin dihtii mánáid lohkat iežaset dáhtu mielde. Galgá leat somá leat mielde sommerlesas. Dasa lassin bisuhit mánát lohkangelbbolašvuođaset guhkes luomu áigge. Muhtun mánát lohkat astoáiggis almmá liige movttidahttima haga, muhto mii diehtit ahte mánát geat eai daga dan, ožžot  fuonit vuolggasaji boahtte skuvlajagi álggus. Mii doaivut ahte dii movttiidahttibehtet mánáid searvat, ja ahte olles bearaš oažžu positiiva vásáhusaid dáinna doaimmain!