Ekstremalaš meahccemátki nuoraide gaskkal 14 ja 19 jagi.
Meahccemátki lea suoidnemánu 17.-19.b. Vuolgga lea Deanu Šalddis Máskejoga sisa
Maiddái dán jagi lea vázzinmátki nuoraide. Sii guhte oasálaste diimmá geasi mátkis, Deanodagas Máskejohkii, oaivvildedje ahte mátki lei hirbmat suohttas, muhto livčče doivon eanet áiggi guollebivdui. Dan dihte lea dán jagáš mátki Máskejoga mielde, vuoi oasálastit besset oaggut. Mátki lágiduvvo suoidnemánu 17.-19.b. Vuolgga lea Deanu Šalddis Máskejoga sisa. Váldde ainas mielde skihpáriid ja buriid mielaid.
Diibmá vásiheimmet ahte mátki šattai veaháš ekstrema, dasalassin unnán áigi oaggut ja vuoiŋŋastit. Mii leat vuhtiiváldán dáid dovddiidusaid dán jagáš ráhkkaneapmái. Mátki lea oaniduvvon, danin álgá Deanu Šalddis Máskejohkii. Mii hástalat sin geat háliidit oasálastit guovlat kárta vuoi oahpásmuvvet guovlluin. Mátkejođiheaddjit leat heivehanmuni kárta ektui, jus muhttin háliidivčče fitnat earenoamáš báikkiiguin mátkkoštettiin Máskejohkii, de lea vejolaš evttohit. Mátkejođiheaddjit gohččot oasálastiid oktasaš diehtoduohkečoahkkimii ja ráhkaneapmái duorastaga maŋŋágaskabeaivvi / eahketbeallai. Dieđihuvvon oasálastiin váldit oktavuođa.
Mátkejođiheaddjit leat Maja Sarre ja Ole Henrik Somby. Maja Sarre lea 25 jagi, bajásšaddan Máskejogas. Son lea oahppis guovlluin ja hui hárjánan meahccis. Ole Henrik Somby lea 21 jagi, bajásšaddan Deanu Šalddis. Son lea hárjánan guollebivdi ja liiko meahcástaddat. Guktot leigga mátkejođiheaddjit diibmá maid.
Ekstremalaš meahccemátki lea geassefálaldat nuoraide gaskkal 14 ja 19 jagi.
Vuolgga: Deanu čuoiganbáhččin stadion 17.suoidnemánu, dii. 18:00
Ruovttoluotta: Deanu čuoiganbáhččin stadion 19.suoidnemánu, dii (sullii) 20:00
Váldde mielde: Oaggunbiergasiid, guovllu kártta, oađđinseahkka/oađđinvuođu, geahppa tealttá, meahccebiktasiid (inkl. Arvebiktasat), buriid gápmagiid, borramuša, juhkamuša/čáhceboahtala, meahccebiergasiid (boradanneavvuid, kohppa, niibbi jnv), čuoikavuoidasa, beaivádanvuoidasa, plástara ja oaggunkoartta (sii guhte leat 16 jagi ja boarráset)
Dieđit: Britt Sovdal gaskkavahkku 15.suoidnemánuomby-Solaas, mob 48 11 52 69 .