Eai leat šat rabas oahpposajit fitnodatekonomiija ja organisašuvdna ja jođiheapmi oahpuide Deanu oahppoguovddáža bokte
"Vuosttasin millui"-prinsihppa doaimmai. Ohcamat bohte johtilit. Oahpposajit leat dál dievvan (fas). Jus buohkat geat leat ohcan leat dohkkehuvvon ja váldet vuostá oahpposaji, de ii leat šat vejolaš ohcat dán jagi. Jus rahpasit fas moadde saji, de sáhttá leat vejolaš ohcat, muhto dalle addá Hedmárkku allaskuvla dieđu dán birra ruovttusiidduinis. Ii leat vel čielggas man guhkes ohcanáigi ohcciide šaddá, go maŋimuš áigemearri lea geassemánu 30. beaivve.
Jus Hedmárkku allaskuvla fas rahpá oahpposajiid, de fertet leat johtil ohcat. Fuomáš ahte go manat Hedmárkku allaskuvlla ohcansiidduide, de fertet válljet oahpu mii čađahuvvo studiesenteret.no bokte. Mii leat oaidnán ahte ollugat leat ohcan boastut. Jus oahppu, masa álgoálggus ledjet jurddašan ohcat, dievvá, ja leat ohcan boastut, de dus ii leat vejolašvuohta molsut.