Doaibmavahkku Deanus geassemánu 8.- 14. b.
Dál lea olbmuid hálddus Deanus oassálastit doaimmaide maid gilisearvvit ja valáštallansearvvit lágidit vahkku 24.
Mii almmuhit vuos gaskaboddosaš prográmma. Leat eanet doaimmat maidda ii leat vel áigemearri biddjon, muhto leat dieđihuvvon ahte šaddet dien vahku. Dat leat ee. borramuškursa ja valáštallandoaimmat. Gilisearvvit Sieiddá/Luovttejohka ja Suolovárri/Golggotjohka leat signaliseren ahte jos lea beroštupmi tuvravázzimii, de šaddá dát bissovaš doaibma. Lea hástalus olbmuide searvat fálaldagaide maid gilisearvvit bidjet johtui. Servet ja oččodehpet dán fásta deaivvadansadjin gili ássiide!
Deanu gielda bidjá Geaidnorebus 3 poasttaid vahkku 24, de lea beare illudit dasa. Lea ain vejolaš buktit Geaidnorebus nr.1 vástádusaid.
Seniordánsa galgá dánsut Seastinbáŋkku olggobealde lávvardaga geassemánu 13.b. Sii galget lágidit dánsuma olgun, ja sávvet ahte buohkat geat leat gávppašeamen dien beaivvi finadit dánsesteamen.
Ruostafielmmá ja Bokcá gilisearvi lágida sihkkeltrimma dán jagi maid. Mátki vuolgá Ruostafielmmás Guhkesnjárgii ja fas ruovttoluotta Ruostafielbmái. Buohkat sáhttet searvat. Lea sihkkel mii lea vuoitobeavddis. Gilisearvi lágida sihkkelmátkki 3. geardde, ja doivot ahte máŋggas bohtet Ruostafielbmái lávvardaga geassemánu 13.b.
Sotnabeaivve fas lágiduvvo gilisearvestafeahtta, dán jagi veahá eará vuogi miel. Dál lea olbmuid hálddus váldit oktavuođa giliservviiguin ja čájehit beroštumi searvat stafeahttajovkui. Buot vuorut leat Deanušalddis, ja soitet leat ođđa gilit mat háliidit čájehit sin givrodaga. Gii diehtá? Jos lehpet eahpesihkkarat gii lea gulahallanolmmoš gilisearvvis, de váldet oktavuođa Marie Jeltin, tlf. 78925300. Son veahkeha din gávdnat rivttes olbmo.
Lea ain servviin vejolaš dieđihit doaimmaid 24. vahkkui. Dán sáhttá dahkat e-poastta bokte mai-bente.dahl@tana.kommune.no dahje tlf 78925300.
Program for Aktivitetsuke i Tana.