Breava ØFAS:s 24.05.2012
Dieđut ØFAS:s girdiruskkaid birra
Hástalusat girdiruskkain Gassanjárggas
Nu mo ássit, geat orrot lahka Gassanjárgga, leat fuomášan, de leat dán jagi eanet girdiruskkat buohtastahtton ovddit jagiin. Sivvan dása leat rievdadusat mat gusket dasa mo gieđahallat ruskkaid.
Ovdal leat eanáš ruovttudoalloruskkain ráddjojuvvon. Maŋŋá go gielddus rádjat njuoskaorgánalaš ruskkaid biddjui fápmui geassemánu 30. beaivve 2011, lea ØFAS ferten muhttit buvttadeamis ja álgit ferdnet, páhkket ja fievrridit ruskkaid boaldima várás energiija ođđasit geavaheapmái.
Gaskaboddosaš vurkkodeapmi, ferdnen ja páhkken dáhpáhuvvá neahta olggobealde Gassanjárggas. Ceggejuvvon neahtta gokčá dušše ruskaráju. Dát rievdadeapmi lea mielddisbuktán eambbo girdiruskkaid go ovdal.
ØFAS áigu farggamusat čorget ja bálkáhit geassebargiid čorget Gassanjárggas ja lagašguovllus birra Gassanjárgga. ØFAS lea maiddái álggahan barggu árvvoštallat iešguđetge čovdosiid mat eastadit girdiruskkaid leavvama boahtteáiggis.
Mii šállošat vahágiid maid dát lea dagahan, muhto mii dáhkidat ássiide lagašguovlluin ahte ØFAS diehtá váttisvuođa birra ja ahte mii bargat aktiivvalaččat sihke oanehat áigge ja guhkit áigge čovdosiiguin.
Dearvvuođaiguin
Arne Øverland
Direktevra
ØFAS ANS