Diehtu divodanbarggus Juovlavuona čáhcerusttegis
Gustovaččat čázi váldoplánii, áigu Deanu gielda divodišgoahtit Juovlavuona čáhcerusttega.
Deanu gielda áigu ođđajagimánu loahpas ja guovvamánu álggus 2012 divvugoahtit Juovlavuona čáhcerusttega čáhcebohcciid. Vuosttažettiin lea sáhka geahpedit šnjoarramiid. Dan olis divodat čáhcebohccefierpmádaga – ee. ohcat gokko šnjoarrá, notkat, molsut billašuvvan bohcciid, ásahat giddenáldáid ja molsut billašuvvan čáhcegujiid. Dán barggu olis gártat duollet dálle giddet čázi, muhto dás boahtá lagabui diehtu geavaheddjiide.
Jus buot manná nu mo leat plánen, de geargat 2012 dálvvi/giđa mielde.
2. huksenceahkki
Dalán go leat geahpidan šnjoarramiid dohkálaš dássái, de lea boahtte ceahkki ásahit:
- 2 dohkkehuvvon hygienalaš buhtistanbarriera
- Ođđa bumpenrusttega
- Heahterávdnjeaggregáhta
- 50 m3 beaivetáŋkka
Lea jurdda gerget 2. huksenceahki 2012 jagi mielde.